KATIMA MULILO – Kwa Ngonga ni minzi yeli bukaufi ili Lizauli, Sachona, Namushasha ni Kongola mwasikiliti sa Zambezi, mabasi bazuhela kukuza kwa sabo. Busihu bwa Labulalu viki yefelile, liñusa la kala kuhasana la sikwa sa litau zesilezi – zehulile zepeli ni bana babane, linze lingundunganya mwalibaka zetibani.

Bayahi ba minzi neba tolokile za likomu zene, zene bulailwe ki litau zetalu, ni kuciwa  kufeza, mi iliñwi nesiilwe iholofezi. Hana buzizwe ku alabela falitaba zeo Labutanu viki yefelile, Leeverty Muyoba, yomuhulu yabona zapabalelo ya lifolfolo mwa sikiliti sa Zambezi, na nitifalize sinyehelo. “Ki niti, nelu fumani piho kuli likomu zene neli bulailwe ki litau Labula,” nekubulezi Muyoba.

Kasamulaho alipatisiso, Muyoba nakenisize kuli: “Likomu zetalu neli nyatezwi kuli nelibulailwe ki litau, mi yabune nefumanwi iholofezi, kono zeo kaufela neli ezahalezi mwa mushitu isiñi kwa milaka ya minzi, mi likomu neli zwile kuyo fula busihu.” Labune kakusasa, litau nese li ile kuyo sila nuka ya Kwando nikuyo kena mwasibaka sa pabalelo ya lifolofolo sa Bwabwata. “Ltau neli tapile kusila nuka ya Kwando mi halubulela seli inzi mwa Bwabwata,” nekubulezi Muyoba kukolwisa sicaba. Nabulezi hape kuli mihato ya silelezo nengilwe kwa milaka, mi yelobañwi nebeilwe mapepa kuli meeto azona asike abonahala kubenya busihu ni kumema litau. Muhato omuñwi wasilelezo ki kulondota ni kufa mamela. Naize tau ya musali mwasikwata seo nebeilwe lukanda mwamulala kuli bano lilondota koliya.

Muyoba natolokile kuli la 9 Kandao, litau zesilezi neli isizwe kwa Kasimba upa wa sibaka sa Bwabwa kokufumaneha hahulu lifolofolo. Kono zeñwi neli balalehile nikuto tula munyako wa Kwando la 13 Kandao. “Mungendenge omutuna usweli kulukiswa kuli litau kaufela zesilezi liswaliwe ni zeo kamukana zebandanga – nikuli isa kwahule mabapa ni Omega 3. Mulelo kikutibela mikwa ya litau zeo yakuya bukaufi ni minzi,” nekubulezi Muyoba. 

Natiselize kuli likolo likumalezi kusileleza sicaba hahomo cwalo ni lifolofolo. Nakupile hape sicaba kubiha litau kapilipili, nikubona kuli lisa likela feela likomu likena mwa mulaka, sina liatu halizamaya hahulu busihu. 

– anakale@nepc.com.na