WINDHOEK-Omwiimbi gwoongalo dhomaludhi ga yoolokathana gwedhina Lize Ehlers, okwa pititha okavidio kongalo yedhina Strut Your Stuff, shoka tashi ti inyenga nomukumo oshiwike sha zi ko, sha ningwa mesiku lyaakintu muuyuni.
Ongalo ndjika oya za moalbuma ye ompe yedhina 5, nokavidio oke li ka ningwa kehangano lyokuthaneka uuvudio dhingi lyoReggie Films. Lize okwa longa pamwe nehangno lyoMiss Jey Arts okumbambekwa moshipala.
Okavidio okathanekelwa moAvani Windhoek Hotel & Casino. Okavido haka otaka popi kombinga yesimaneko lyaakiintu, nomokavidio otamu adhika aakiintu yatano mboka ye na oongeshefa dhawo yoyene, mboka ye li taya longele kumwe nota ya ikwathele mokutunga oongeshefa dhawo yoyene, oyo taya dhana onkandangala.
Lize okwa ti ishewe okavidio haka otaka ulike nkene aankiintu ye na okwiinyenga nomukumo nokuulika uunongo wawo, unene tuu aakiintu mboka yoshinanena.
Okuholoka po nokavidio haka, Lize okwa ti okuwete sha simana okudhana esiku lyaakiintu muuyuni tashi pititle moshitalenti she.
“Tse oomeme out na oonkondo, ashike ongele tatu longele kumwe, nokukwathathana mpaka naampeyaka.”
“Mokavio haka okwa li nda longo pamwe naMelisa Poulton okuza kehangano lyoHouse of Poulton, moka kwa li andi simaneke iilonga ye onga omuhondji dhingi,” Lize ta popi ngaaka.
Oalbuma ye 5 oya li ya pitithwa omvula ya za ko muDesemba. Ngashiingeyi Lize oku li ishewe apititha uungalo we uyali wedhina “Iewers In Die Middel” na“Fantastic Sam” mboka wu li ishewe tawu inyenge nawa koradio yoBase FM, mpoka wa kala nokudhanwa nawa.
Oalbuma ye 5 oyi li tayi landithwa komapandja gwokulanditha oongalo muuyuni ngaashi ITunes, Spotify, Donlu osho wo poAntónio’s Art.
Yamwepo yomoomeme mboka taya adhika mokavidio kaLize kedhina Strut Your Stuff, hoka kwa li ka piti oshiwike sha piti.