Lubasi lwa nyandi Matomola Kasungo yakulubelwa kuli nabulailwe kiSinvula Tuwelo nelu ilo tambeka liñolo la linonge kwaofesi yamuatuli wakhuta ya sikiliti mwa Katima Mulilo, mwasikiliti sa Zambezi Labutanu.
Mwaliñolo lubasi lulaela kuli Tuwelo asike alukululwa kakutomelwa masheleñi akulibelela muzeko kwande, kamaikuto akuli lubasi lupila mwasabo, nikuli haiba inge alukululwa akaswana ayo peta kezo yeswana niya nyazwa kayona.
“Haiba Sinvula inge aluku lulwa kuli alibelele muzeko wahae kwande, luna balubasi luikutwa kuli zeka ezahala mwalubasi ikaba mulatu wakamabomu kwalineku labamulao.
Yakulubelwa nafumbela kubulaya mizwale bababeli, mi nakonile kubulaya alimuñwi.
Kacwalo lusaba kuli haiba inge alukululwa akaswana ayo taleleza mulelo wahae,” kubaleha liñolo la linonge.
Tuwelo utalimana ni mulatu wakubulaya kasamulaho akukulubelwa kuli nakunupile Kasungo mwakweli ya Sikulu unumwaha kwalinwelo la bucwala kwamunzi waMasokotwani.
Kanako yacwale usiyala mwasitokisi kasamulaho khuta imuhanela kuli alibelele muzeko wahae kwande. Lubasi lwanyandi lubata kuli aine mwatolongo mi asike alukululwa nikamuta kufitela muzeko ufela.
Lubasi lwaba Kasungo hape lubilaela kuli nyandi nasiiile banabahae baketalizoho ni mufumahali wahae, mi kanako yacwalo hakuna yabababalela, kacwalo khuta iswanela kubona kuli yakulubelwa ufumana koto yemuswanela.