KATIMA Mulilo – Mueteleli wanaha Netumbo Nandi-Ndaitwah nakwaluzi simubuso maino akwasikolo sa Ndoro, mwasilalanda sa Kongola Labulalu. Mwa manzwi ahae Nandi-Ndaitwa naize kukwalulwa kwa maino akwasikolo kibupaki kuli mubuso utokomela taba ya kubona kuli baituti bafumana libaka zelukela ha banze baituta nikubakonisa kuli baitute hande nikuba ni bukamuso saka

Nandi-Ndaitwah nabulezi hape kuli tuto haki kufumana feela makilasi ni libuka za kubala kono kungelezi cwalo ni tahiso ya libaka “banana kaufela kusabilaezi kobafumaneha bafumana kolo ya kueza hande.”

Mueteleli wanaha nasusuelize baituti kutokomela sikolo kuli kwapili bakone kuyoba batu sakata. Nakupile cwalo ni bashemi kubapala kalulo ya butokwa kutusa sikolo, sina tuto haili nto ya makopanelo. “Halunze lunyakalala kabaka la maino atiile, lutabela sepiso ya tuto ni sepo ya bukamuso sakata bwa banana kuzwelela mwa sicaba se, sikiliti ni naha kabupala,” nabulezi. 

Muyaho wamaino abaituti ukona kunga baituti ba myanda yemilalu kabamashumi amabeli, ili basizana ba mwanda kabamashumi asilezi ni bashimani bamwanda kabamashumi asilezi.