RUNDU – Batu ba mushobo wa Makwengo ba Omega 1 mwa silalanda sa Mukwe bakenezwi ki lukupwe bakeňi salico zeba sikaamuhela kale. Omega 1 ki munzi wa bana ba makwengo ba palo ye fita fa miaanda ye ketalisho (500). Bayahi bataluselize mutende wa New Era kuli kuzwa kweli ya Lungu unumwaha akuna lico zenese amuhezwi kuzwelela mwa kalulo ya mungendenge wa kufepa makwengo (San feeding programme) kalulo yeo usulelwanga musulo ki muuso.
Ba ize balikile kuswala Katengo Kasikiliti ka Kavango ni ofisi ya silalanda kumuyemeli wa bona wa sichaba (Constituency councillor) kukona kufuma tuso, nicwalo basalitezi kalabo.. Bali abana mukwa omumwi wa kufumana lico kaona, kono baitingile feela fa lico za kufepwa ki muuso. “Lulwana ndwa kwanu mulikani, lutokwa lico kono muuso u ulumani inge baziba kuli luhaniswa kuzuma, mukwa wo luna makwengo nelupilanga ka ona. Luta ca sikamani nako ye?” kwa buza yomumwi wa makwengo. Muyemeli wa silalanda sa Mukwe, Kalyangu Muliki u taluselize ba New Era kuli ki niti Makwengo ba Mukwe abasika amuhela lico likweli zepeli zefelile. U ize u fitisize butatata bwabona kwa likolo lelibona zeo kono nataluselizwe kuli akuna lico mwa sishete kwa Rundu, koo lico lizwanga teni.” Neni bihile taba ni kuba tambeka mukoloko wa mabizo kuyo abona za zwelopili mwa Ofisi ya Ngambela wa naha yo u talima butata bwa makwengo mwa Wiko wa Kavango ni Upa wa Kavango mi lumulibelezi kueza sesimwi,” kwa bulela Muliki ili yena councillor ya okamezi sibaka sa Omega 1.
Ya bona za lizwelopili mwa Ofisi ya Ngambela wa naha Makumbi Swenyeho u ize: “Sishete saluna asina lico ka nako ya cwale kakuli mungendenge wa lico za linanga u yemi kono mungendenge wa kufepa makwengo ausika yema, kikafo lushimbile mabizo abao babulela puo ya sikwengo mwa naha kaufela ya Namibia ni kuilumeleza kwa maofisi amatuna. Ofisi yebona za Kamaiso ya lisinyehelo batabe batalimile kwateni. Luna ni masaka anze alikana kufita fa mashumi amane ao lufile batu babapila kwa Likwaterera libima zefita fa mashumi a mabeli ni libima ze ketalizoho kuzwa Rundu. Ne bafitisize pilaelo yeswana kikafo selubafa lico zeo.. Katuso ya muyemeli wa silalanda (councillor) lukonile kufumana mabizo abatu ba makwengo mi nisepa kuli tatululo itabe ifumanehile kwa likayamana le,” a talusa.