RUNDU – Mubusisi wa sikiliti sa Kavango Wiko Verna Sinimbo unyazize likezo za muuna wa lilimo zemashumi amabeli kazesilezi, yana nyezi mwanana walilimo zelishumi kazene kasizo kwa munzi wa Ncaute. 

“Kitaba ye bilaeza kuli mwanana, ya swanela kubabalelwa ni kuhuliswa, ubeilwe mwa likezo ze situhu zecwalo. Likezo zecwalo haliyo hande, liloba mulao haliswaneli kufumaneha mwasicaba saluna,” nabulezi. 

“Kakuba baeteleli, bashemi ni limembala za sicaba, luswanela kuswalisana hamoho kubukeleza liswanelo ni buiketo bwa banabaluna. Nikupa bayahi kaufela ba sikiliti sa Kavango Wiko kuhana ni kukalimela likezo za sizo ze situhu zelobaloba buntu ni bukamuso bwa basizananyana. Sizo sa luna hasi lukeli kusebeliswa kufizepata likezo ze maswe,” nekubulezi mubusisi. 

Nahatelezi tokwahalo ya putako ya kufa likelezo ni lituto kwa sicaba mwasikiliti sa Kavango Wiko, ni naha kabupala, ili kuli bashemi ni ba ba baleli ba banana ba utwisise kozi ni likoto zetaha haba tuhelela banana kuitenga mwalikezo zecwalo. “Kubukeleza banabaluna kuswanela kuba taba ya butokwa. Hamoho, luswanela kubona kuli likolo, mandu, ni minzi ki libaka za buiketo kuli banana bakone kuikutwa hande,” nahatelezi. 

Mubusisi nalumbile mapokola mwa kuitahanela ku alabela kwa kezo yeo, mi nasusuelize sicaba kuswalisana ni mapokola mwa kubiha libata za kunyandisa banana, kapa likezo kaufela zeswana za bubangoki. “Luswalisane hamoho kufelisa likezo ze situhu ni kuzwisezapata liswanelo za banana,” nabulezi. 

Mapokola Lasunda viki yefelile nebakile batama muuna yasimuluha naha Angola Elia Kambinda Chipapa, amano nyala mwanana yana kena mwasitopa sa buketalizoho. Mapokola nebaize ya nyazwa napila ni mwanana kuzwa kweli ya Kandao 2025 kutisa hato tamiwa la 17 Muyana 2025. 

Sibuabui wa sipokola mwa Kavango Wiko Raimbert Muronga Lamubulo naize mahe mwanana, ni yena ya pila kwa munzi wa Ncaute, ni yena natamilwe kakuba ni kabelo mwa kezo yeo. Neba bonahalile mwa khuta ye nyinyani ya Rundu Labubeli. Mahe mwana natomezwi kulifa N$1 000 yakulibelela taba yahae kwande. Chipapa nahanezwi kulukululwa.