Teko ya kopa hainze inanuha, busholi bwasipi busweli kusinya lipisinisi mwakalulo ya kuambola mapokola hababata kuswala lifosi.
Sifosi yomuñwi yakulubelwa kanako yacwale uipumana afola kwamatuma akukunupiwa, kasamulaho afumaniwa kimapokola inge asweli kuuzwa kopa.
Mutangana yanali mwamulelo wakuuzwa kopa mwasibaka sa lipisinisi sa Lafrenz Labulalu, nakunupilwe kimapokola hane babata kumutibela kuli asike abanduka fasibaka sa kezahalelo.
Piho yamapokola yene patalalizwe kiyabona zabubangoki mwasikiliti sa Khomas, Chrispin Mubebo, neize manzibuana alizazi leo limembala zasipokola sa Katutura nebanze bakulisa makululu mwasibaka sa Lafrenz, mi bafumana yomuñwi anze auuzwa waya ya kopa.
“Honafo, sifosi abata kubaleha kono kanako yakuli ahanelwe kubaleha akunupiwa kwaliutu,” kubaleha piho. Naize sifosi naisizwe kwasipatela sa Katutura mi nali mwamayemo sakata. Mubebo nabonisize kuli piho kaufela ika ikabelwa nikuli sifosi ukabonahala lili mwakhuta.
Mapokola batolopo ya Windoko nebataluselize New Era kuli balemuhile kuekezeha kwabusholi bwa waya ya kopa, ili yetahisize teko sakata kuzwelela linaha zakwande.
Tokwahalo yakopa kuzwelela linaha zecwale ka China, South Korea ni Malaysia, itisize teko yekotokile ya lifasi, yetahisize busholi mwahali.
“Telecom ibihile nombolo yepahami yalibangoki zendongwama miyaho ya kampani. Taba yeo isupeza fokusweu kuli libangoki litisa sinyehelo yetuna kwanetiweki ya Telecom ka kuuzwa kopa, ili kalulo yetisa kuli netiweki isike yasebeza, mi kampani isinyehelwa lulelule lwa masheleñi,” nabulezi.