CHOI – Nfumu Joseph Tembwe Mayuni III wa Khuta ya Sizo ya Mashi, ubulela kuli lilalo zewela mwakamaiso yahae lisiala kuba hala zeñwi zesika zwelapili mwasikiliti sa Zambezi ni naha Namibia kabupala. Hala zeñwi naize libaka zeñwi hakuna mezi akenile, hakuna mulilo wa magesi, misipili yemitelele mwahala likolo, ni kutokwa mapurojekiti asicaba hamoho cwalo ni sialuluti mwa kuaba limbule zalibakanyana zesileleza lifolofolo.

Mayuni nabulezi zeo Lasunda viki yefelile kanako yakutabela mukiti wasizo wasilimo wa Tulikonge, kwa Choi ili teñi kufumaneha khuta yahae ya sizo. Lusiala kuba sicaba sesi kungulezwi hahulu kwatuko mwa Namibia, mi haluna bayemeli mwaliofesi zamilao kacwalo haluna linzwi leli luyemela. Kalibaka leo sicaba saka si siala mwa bunjebwe. Bubotana bwa bonahala mwakutokwa mezi, mulilo wa magesi ni liswanelo zeñwi za butokwa,” nekubulezi Mayuni. 

Naekelize kuli “sicaba sa Mafwe sibabaza kupila hamoho ni kufana likute kabaka la kozo.” Nakupile mubuso kutatulula butata bwa miseto mwa sikiliti. “Mubu kisimbule sa butokwa sesikona kubapala kalulotuna mwa kuhulisa sifumu ni sicaba cwalo. Pilaelo yeo nefitisizwe kanako ya mukopano wanaha wabubeli wamubu mwa silimo sa 2018, hape nehatiselizwe mwa piho ya 2020 ya Katengo ka Mueteleli wanaha kane katalima wabokukwaluna… Neli sepo yaka kuli kuzwelela patalazo ya piho yeo, mubuso uka tatulula butata miseto fitana,” nekubulezi Mayuni.

Hanabulela kwa kezahalo yeswana mubakweli likwambuyu silalanda, mushitu ni bupoti Mwiza Sibungo naize kubupa silikani mwahala likhuta za sizo ni babañwi babutokwa , kukona kutahisa likezo zende zakutusa sicaba kusina kufofaza sizo sanaha. 

“Halukubukana cwana, ni bayemeli kuzwelela maofesi ashelashelana, ni mi susueza kusebelisana hamoho kuikambota lika zeyahisa. 

Lunahane molukona kutahiseza zwelapili mwalibaka zaluna,” nekukupile Sibungo.

Mubakweli likwambuyu wasilalanda naitumezi hape ku Nfumu Mayuni kakuswalisa nikutambeka lyano la litaba za sizo kwa masika asataha. Nakupile hape sicaba sa Mafwe ni naha kaufela kuzwelapili kupila mwakozo.