“Kuami ondjozikiro noingonekero kotjiveta oku kutjurura otjiperendero itji no ku riyandja omuini kovandu vOrepapirika ya Namibia nu mbarongere oku veungura otja komasorero sorero womaeneneno wandje aruhe nu auhe kangare nouyara wo ku ungurisa otjipendero tjandje itji monḓero yehi.”

Ongari omambo wOmutjuṋikua, Netumbo Nandi-Ndaitwah, muhuka ngu ma tuirisiwa otjo peresidenda ya Namibia oitjatano. 

Pomaraisiro kotjiveta wotjiperendero the okuza komatuirisiro tjima tji turikua mozomberoo zohoromende azehe mehi nganduu pendje. Kutja ozomeberoo zohoromende, otutu ohinga kohoromende na zarue nḓu ma zezeri nao. 

Oma tjiukisiri wotjiiperendero itji tjari tjimue tjo vitjitua vya Nandi-Ndaitwah okurongerera omatuirisiro we muhuka otjo peresidenda. Muhuka wina eyuva romazemburukiro wozombura o-35 zongutukiro ya Namibia. Ndi ma rizemburukua kehi yembo ehongonekua ndi ma ritja: Okutanana o-35: Koruyaveze Rombuiro. 

Oma tjikisiro wotjiperendero itji ya rongerisirue Oministeri yOndjivisiro nOunongo wOmahakayeneno. Oure wozombura ndano zomananeno wa Netumbo-Ndaitwah, embo ehongonekua indi ma ri honaparero po omazemburukiro wongutukiro ombura aihe. Ohako indji yazire mo ma rarakaneno wo ma memeno yayo mokati kovana vinangongo avehe kumue o-480 mu va kara norupa kutja ngumeya notjinangongo tji ma tji tjata ee uṋe?

Ngunda aperi nao wina Oritjavari Operesidenda Nangolo Mbumba, otja virikizire ouṋepo wOndjuwo yOzoveta po ma haamene omahovekua wovirata avyevari vondjuwo indji, Ombongarero yOtjiwaṋa nOtjirata tjOtjiwaṋa.