Auleria Wakudumo 

Efiyafano lokakadona dingi kaNamibia hano Miss Namibia otali ningilwa modoolopa yaGobabis moshitukulwa shaMaheke neudo. 

Ehanganoo olo hali ungaunga nelilongekido laMiss Namibia ola holola kutya odoolopa yaGobabis otai ka wilika yo efiyafano lokakadona dingi kanini kaNamibia nedina la shiivika nawa Miss teen Namibia. 

Omukulunhuwiliki woNamibia Broadcasting Corporation (NBC) Stanley Similo okwa talela po ngoloneya woshitukulwa shaMaheke Pijoo Nganate okukundafana kombinga yefiyafano moshitukulwa. 

Similo okwa holola kutya ehangano laMiss Namibia ola hala okuyambula po exumokomesho pakueta efiyafano keshe moshitukulwa. 

“Ohandi pandula eshi oshitukulwa shaMaheke sha tambula ko efiyafano eli nomaoko aeshe noshe li longekidila oshivilo eshi,” Similo ta holola ngaho. 

Efiyafano laMiss Namibia ohali yambula po nokuxumifa komesho eliko loitukulwa. 

Eshi ovanhu vahapu okudja keembinga adishe doshilongo tava talele po oshitukulwa, ohava futu eenduda dokunangala, oikulya tai landwa meekefa dokuteleka, pvanangeshefa vanini tava mono eyambidido okulandifa oilandifomwa yavo unene oyo ya nyika omufyuululwakalo. 

Ka kele kwaashi, efiyafano ohali eta ovatalelipo vahapu moshitukulwa. 

Ngoloneya woshitukulwa shaMaheke Pijoo Nganate okwa tambula ko efiyafano laMiss Namibia nomaoko aeshe. 

Nganate okwa ti efiyafano otali yandje omhito iwa kovakufimbinga vomoshitukulwa oshoyo okutula Omaheke pombada. 

Oshitukulwa shaMaheke oshina eenhele domatalelepo dihapu ngaashi oDie Dam Resort omo tamu ka kala ovakufimbinga vaMiss Namibia oshoyo Miss teen 2026. 

Omaindilo okakadona dingi 2026 okwa pata. 

Efiyafano lokakadona dingi kanini kaNamibia otali ka kala ko momafiku 31 Juli omanga lokakadona dingi kaNamibia tali ka kala ko 01 Auguste 2026. 

-awakudumo@nepc.com.na