Katima Mulilo – Mukopano wabubeli wa Ndu ya Milao ya Bubeli ni Tutengo twa Likiliti wakuikambota no ezahezi mwa Katima Mulilo Labubeli kutisa Labune, hala mutomo otwi “Kundongwama Kamaiso ya Kalabelo: Kukenisa Tumo ya Ndu ya Milao ya Bubeli ni Tutengo twa Likiliti.” 

Muinasipula wa Ndu ya Milao ya Bubeli Luka Muha, nakile abulela kanako ya kukwalula mukopano Labubeli kuli mukopano ukonkiseza kamaiso ya Ndu ya Milao ya Bubeli ni Tutengo twa likiliti ze lishumi ka zene. Nabulezi hape kuli kikwabutokwa kuli mukopano wa ezahala ili kuli litaba zabutokwa zetisa cinheho za kandekiwa. 

 Muha nabulezi hape kuli “mukopano notalima zene kandekilwe kwa mukopano wa pili ñohola, nikubona kana neli beile miselo. Mukopano hape notalima hala kamaiso ni kamo milao ikona kumbweshafa mubelekelo wa limembala.”

Muinasipula hape naize tutengo twa likiliti kalimembala zetalu zelumelwa kwa Ndu ya Milao ya Bubeli tuswanela kulwanela kubona kuli maikuto ni maino alikiliti akandekiwa. Muinasipula wakatengo ka sikiliti sa Zambezi ni muetapili wa katengo kalikiliti Warden Simushi nahatelezi kuli mukopano neli kolo yende yakukandeka za zwelopili mwa likiliti. 

“Luhupuliswa kuli kamaiso iswanela ku alabela kwa litokwahalo za sicaba isi feela mwanaha kono mwalilalanda. Maikuto asicaba, sihulu abasali, babanca, ni babakungulezwi kwatuko, aswanela ku utwiwa ni kukutekiwa,” nekubulezi Simushi.