Oshakati- Nkuru ministera Elijah Ngurare kageve paveta makero aga gane vamborora pomukunda gwaOnamundindi momukunda horowero gwaEpembe mosondaha zina puko. Elikwamo lyangesi kuna litura nawa nawa asi lyokuvatera nomukunda doponze zodoropa digwane mema gomawa gokunwa vantu nositambo asi kuwapukurura maparu govantu nokuretesapo ekuliko mosirongo setu Namibia. Apa nye kahuyungire posiruwo sokugava nombora edi paveta, Ngurare katente asi nombora ndi asi makero aga kapi gana kara asi kugava tupu mauwa kovantu nye kuna kara asi vantu vetu navakagwana mauwa mokuza komeho. Age kahundilire vatungimo monomukunda edi unene vadinkantu asi varuganese momunene mpito ezi zokugwana mema gana zere. ‘’ Ekonomi lyokumanguruka kuna kutenta asi vantu woponze zodoropa nawo vahepa kugwana mema gomawa ndi yirugana yoyiwa moomu vana kuyigwana womodoropa. 

Kuna hamenemo nye mema, nonzira, matungo ntani magwanekero yimo ana kutanta ngoso, nokugwedako asi kugava nombora edi kuna kara nye egano lyewa melikwanmo lyangesi. Ngurare kahundilire vatungimo asi vahepa kukara nokapata gona konyima zembo omu navazangura eyi ava ruganesa mosirongo ano epangero kuvhura liyarande vayiture melikwamo lyorukukutu, yipo twahandindira tupu asi dogoro ziroke mvhura. Makura ose ngoso ngano tuna tundu nye moudigu wonondja. Ngurare kageve madina gonomukunda edi dina kara asi tadikagwana mema omu navakavamborwera. Oshipya pomba ozo tazikavatera Oshipya centre, Ohamenya, Ohenghona, Omupanda 1, ntani Omupanda 2.  

Pomba nye zaOnamundindi kuna kugava nye mema koOnamundindi, Onangolo zoutokero, Ohaimbudu, Okahafiyona, sure zaOukala ntani nkarapamwe. ‘’ Pomba zaOnesio ngazigava nye mema koOnesio, Ohafino, Yomainda, Olungu zokomuzogo, Okadidiyona, Okadidikashona, Oshimangwa ntani Okamangwena,’’ yimo nye ana kutanta nokugwadako asi Eshii mbora ozo ngazigava mema ko Eshii, Omito yeKombo, Oshamono Mipapa, Omayi, ntani Oshanyata. -Nampa