Opuwo- nompitisili dimwe momukunda gwaKunene kavageve runygenyo rwawo kuhamena omu noranda nkenye ono hara kuruganesa mepangero, omu nye kavahundilire epangero asi vahepa kugava nonkondo edi konomukunda yipo nampo nayigenderera ko mokutura noprojeka dononene mosirugana. 

Momapuragere tupu ganntani kumwe naNampa mokukwama nye ngendeseso ezi zakarapo nokomitiye ezi zakarapo nare, mepongo nye eli kavakere nalyo vakalipo kavageve runyegenyo rwawo kepongo nye kalikereko konyara mazuva gatano, nompitisili kadintente asi elikwamo lina karapo ngesi kukwata siruwo melikwamo lyekuliko, omu nye alikara nomaliranga ano pwarumwe vatungimo momukunda kwato eyi avagwanako. Mukurona goministeli zoukanguki mukurona gwazo Tomas Shapumba katulisirepo eganio asi; asi nonkondo dangesi vahepa kudigava konomukunda kapisi kudikeverera tupu paepangero lyenene nye wokonomukunda nawo ngano kuvapiurako vagave omu vana hara. Gava nonkondo kovatungimo momukunda yipo vatare asi yinke vana hepa, vayliyonge, makura awo vagave magano gawo ntani nokampani domomukunda dituremo mahundiro. Shapumba simpe katente asi kure nonkondo konomukunda unene omu navatjingisa ndi kugava yirugana hawe nayinye eyi ngano tayiwapa ntani kuvhura nye vayirugane pangenderera noprojeka dononene, makura yina kara mulyo asi tupe nomukunda nonkondo ntani nokampani domomukunda digwaneneko mauwa makura nompitisili ditare nye omu yina kugenda. Age kwayipura asi ngendeseso zantani kuna kara zina kara tazipiyaganeko unene ano konomukunda hawe nayikara tayigenderera unene. Kansela gwaOpuwo zomodoropa, Ueutjerevi Ngunaihe katente asi nompitisili domukunda vadiva nawa nawa asi yinke vana pumbwa momukunda gwawo, nsene vavapa nye nonkondo dangesi asi vagendese elikwamo eli lyokutjingisa nokugava yirugana, pontambo zomukunda. ‘’ Posiruwo nye esi, kuna kureta udigu wounene nokampani doponze zomukunda edi dina kupira nye kupurakena magano gonompitisili dopontambo zomukunda, kuhamena noprojeka dekuliko. poyihorokwa yimwe apa nye atuyahomokere nokampani dangesi, awo kwato kutupakera mpili, nokulimburura asi awo kapisi nyose twavapa yirugana eyi, yimo ngoso ana kutanta. 

Johannes Antsino, gwaOutjo, katente asi nokampani vahepa kuditarurura nokudipa sirugana mokukwama omu vanayitara. ‘’ Ose kuna kumona udigu mokutura mosirugana koyo vana pe kampani ozo. Makuara kapi yina kumoneka nawa asi vantu vetu vagwanenemo mauwa moprojeka zangoso. Nsene asi tutulisamo nokomitiye domomukunda, yininke yangesi kuvhura kukahaga. Yimo ana kutanta. Antsino kuna kutyimona asi vahepa kugavako yirugana yimwe konomukunda unene yopamberewa nayininkisa nompitisili domukunda vatare asiu wolye vana kupa sirugana nosiruwo sokusika kupi navayirugana oyo. –Nampa