Keetmanshoop – muni gwaKeetmanshoop kavavagwene aw okapi vana wapayike nombapira dawo dokuhamena yimaliwa yondango. Nokufaturura asi ngapi vagenda vagwane pontambo zokutanta asi kapi vana kara noumbangi asi ngapi varuganesa yimaliwa oyo kukwama nye egano lyaJunias Kandjeke ogu gakara asi ntoni mokukwama kwama yimaliwa yepangero oku vayigeve.
Egano nye eli lina kara asi kwato umbangi, kwakara lyeyereko simaliwa somvhura 2020/2021 eyi yina kupira kutanta Yuma nampili nakauke nokutanta usili. Muni kapi kageve nawa nawa asi ngapi varuganesa yimaliwa eyi komitiye vapa sinka wondango zanavenye zakara mokomitiye tuna kutumbura asi zo Public Accounts ntani ekonomi kazitente asi eyi yitundwamo yoyidona unene. Vakalimo mokomitiye kavakere yina vagumu unene nokugava runyegenyo rwawo, omu yina kara asi vakansela kapi kavakerepo kavazire kepongo nalyo peke, posiruwo oso kavavapere asi vawize kosigiongi sawo, asi vayapopere doropa zawo vahazi gurumwisa kontambo zimwe. Apa nye kavagwene mapuro gana kutunda komunasipundi gokomitiye Peter Kazongominja, mukwatelimo mukurona pamberewa Gregorius Andries kayinkondopekere asi yousili yitundwamo yoyimaliwa eyi kapi vayigava nawa ntani umbangi umwe kapi wakerepo ntani kapi vagava yimaliwa nayinye omu twayiruganesa.
‘’ Eyi kwatuguma momunene, napa nye tuna kuhuyunga ngesi nombanga kapi dina hara kutupa mukuli morwa yitundwamo yetu kapi yina wapa, kukwama yitundwamo yomutali nombapira; yimo ana kutanta Andries. Kazongominja kagwedereko: asi ezi komitiye simpe nazikatengura hena kooku mokwedi kwaSeptember 2025, mokumupulisira muwapukurure nombapira deni, panomberewa ntani poupolitika napenye pwahepa kuwapa ntani.
Komeho tuyatare hena nombapira dokukwamako. Andries katente asi awo ngesi kuna kukwama omu zavapa ministeli zonodoropa nekuliko nomukunda manangwiro asi vahepa kukara noruha rwina rounkurungu ntani madeuro gokulisiga siga. Age kayinkondopekere asi navareta mo mutaruruli nombapira goponze avatare nombapira dawo.
Ose kuna kurugana tuwapukurure ngendeseso nazinye, nokutara asi varugani vawo ngapi navagwaneka momavango goyirugana, udigu umwe kavageve kuna kara asi ndango kapi zina kurugana kukwama ntambo ngendeseso zopouzuni omu navagendesa yimaliwa monaruwa. Omu nye yina kumoneka yiwapa yawo yinzi unene kupitakana eyi vaweka. Ntani kapi yina kuliza kufuta mutero ntani kwaNamRA yopeke yina karako. Posiruwo nye sooso, mugendesi kurona goyimaliwa Desere Boois katanterere komitiye asi ame kwato eyi nani vhura kufaturura momu nene. ‘’ Ose twakara noudigu mokupongayika nayinye eyi mwaruganesa kutara tupu maumbangi getu monomvhura ntano dakapita. Nampili ngoso ose kuna kara asi twahepa kuyimana eyi monad zomakwedi gane ngoso, mokutara nombapira detu yipo nadinye dihuyunge yimwe tupu.’’ Yimo ngoso ana kuhuyunga. Gumwe gokomitiye Sebastian Gobs kageve nage runyegenyo rwendi mokukwama nye oyo vana gava vana mberewa kurona ava vavali.