KATIMA MULILO  – Muetapili wa Katengo kakabona za mutelo mwanaha Namibia  (NamRA),  Sam Shivute, ubulezi hala lingambolo zakutahisa museto wakuyema feela hañwi kwa museto wa Katima Mulilo. Nasepisize baongaongi kuzwelela linaha zepeli kwa mukopano ono ezahezi mwa Livingstone mwanaha Zambia, kuli naha Namibia ikumalezi kubona kuli purojekiti yafelelela mwalikweli zelishumi kazelobapeli zetaha.

Mwapatalazo ya makopanelo yene filwe la Labune, Shivute nalumbile naha Zambia kakutaleleza purojekiti yakuyema hañwi kwa museto wa Kazungula, ili teñi naha Namibia ikafumana likelezo zabutokwa. Muñoli ya inelezi wa Likolo la Lipisinisi mwanaha Zambia, Lilian Bwalya, nalumbile sikwata kuzwelela naha Namibia kaswalisano yabona mwakubata kutaleleza purojekiti yakuyema hañwi kwa museto wa Katima Mulilo.

Mukopano no amuhezi konkisezo ya Mueteleli wanaha Netumbo Nandi-Ndaitwah, ni muhabo Mueteleli wanaha Zambia, Hakainde Hichilema, ili babasupelize swalisano mwakubona kuli museto wakuyema hañwi ubateñi. Nandi-Ndaitwah hane abile ni poto ya musebezi mwanaha yani kuzwa la 15 kuisa la 16 Kandao 2025, mwa Lusaka.

“Bwalya nahatelezi tokwahalo yakufeleleza mulelo, ili otalusa mihato yabutokwa yeswanela kungiwa, mi nasusuelize sikwata sesi ongaonga kuzwelela linaha zepeli kusebeza kaku ankufa ni kutahisa miselo. Sikwata kuzwelela linaha zepeli nesi nyatezi mulelo osika buzweleza kale mi nekulumelelanwi kuli mulelo ufelelezwe mwa kweli iliñwi,” nekubaleha patalazo. Mukopano olatelela ulibelezwi kuezahala mwa kweli ya Muimunene unumwaha. -Nampa