Muyemeli wasilalanda sa Keetmanshoop yaMatakanyani, nakile atamiwa hala mulatu wakunata, kamaikuto akubata kuholofaza kwa Aroab.
Yomuhulu wasipokola mwa //Kharas David Indongo naize, yanyazwa Gerrit Witbooi, natamilwe kakuholofaza yomuhulu wamutayi waSwapo Johannes Vilander kwa Aroab viki yefelile Labune, kakumunepa sipula, nikumulobela lizoho.
“Nenifile taelo kuyomuhulu wasiteshini sa Aroab kuli yanyazwa atamiwe kakuya kamulao,” nekubulezi Indongo.
Nabulezi hape kuli mulao wanaha Namibia haulumeleli kuli haiba una ni situlo sesi pahami ukona kulobaka mulao molatela.
Kezahalo yeo nebile teñi kwasiteshini sa mapokola sa Aroab, bababeli hane bakanana hala masheleñi ane atondahala kwakatengo, hamoho cwalo nitaba yakuli muyemeli nasika biha kozi yafamukwakwa.
Muongaongi wakopano yaSwapo mwa //Kharas Matheus Mumbala naize neli kezo yene saswaneli kuezahala.
“Kakuba kopano yalipolitiki lukuteka Gertjie kakuba ndwalume sakata yalwanela liswanelo zasicaba, mi takazo yaluna kiyakuli taba ye ieze ifele,” nabulezi.
Mumbala nabulezi hape kuli taba yene ezahalela mwameeto ayomuhulu wasipokola, neswanela kutatululwa kusina mifilifili.