OSHAKATI – Omhangulilo yaMangestalata mOshakati oya anyena omukainhu weedula 44 omhito yokulifutila mo modolongo shaashi a denga okaana kaye kokamati keedula heyali keisho nomwiya.
Omutamanekwa ou okwa holoka momhangu Etitatu.
Oshibofa shaye osha undulilwa komafiku 2 Apiilili 2025, nomakonakono opolifi otaa twikile.
Ota pangulilwa oshibofa shomahepeko omomaumbo.
Oshiningwanima osha ningwa oshivike sha dja ko efimbo longula komukunda Onashiku shaLaban.
Omukulunhu koshikondo shokukonakona oimbuluma mOshana, oomupedkomufala Fredrik Ndjedila okwa hokolola ta ti ina yokanaa okwa ya keendingosho nomulumenhu waye va kanwa omalodu. Otaku hokolwa kutya okwa fiya okaana kaye poushiinda shavo.
Opolifi oya ti omukainhu ou okwa tokelwa keendingosho fiyo oufiku. Omona waye okwa nangala keumbo lamushiinda shaye. Opolifi oya hokolola tai ti mongula eshi Amusha la tenda omufekelwa okwa ka tala ko okaana kaye opo ka dule okuya kofikola.
Omukainhu ou okwa denga okaana kaye nomwiya keisho nokatameka okudinda.
Otaku hokololwa kutya omukainhu ou okwe lipopila ta ti okwa denga omona shaashi vati a ka nangelela komaumbo. Ovahongifikola vokaana ova lopotela opolifi molwaashi okaana okwa li ka dinda pefimbo ke li meetundi. Nakuninga oshihakanwa okwa twalwa koshipangelo ashike paife okwa lekelwa mo. Opolifi oya ti okaana paife oke li keumbo lainakulu.
Oshiwana osha kumaidwa opo shi longele kumwe momidingonoko davo okukandeka omahepeko omomaumbo.
-fhamalwa@nepc.com.na