Kuzamaisa nama ye omile ya lifolofolo za taku (ze cwale ka likomu, lingu, lipuli, likulube ni lifolofolo zeñwi za naheñi) se kulumelelwa kwa lineku la mubamba lelisina butuku bwa taku ni mulomu, kusina liñolo kuzwelela kwa ofesi yebona zakupenda limunanu, kubona feela nama yeo itatehilwe mi hailoti mali.

Likolo la Njimo, Bundui, Mezi ni Cafanzo ya Mubu neli zibisize kakuba kalulo ya milao yeminca yakulumelela kuzamaisa ze zwa kwa lifolofolo. Mwa sitatimende, mutayi obona zamipendo ya likomu no elelize sicaba kubilisa nama, nikuekeza kuli nama ye mezi yesika bakanywa kakuya kamilao yebona ya litekisano haisika lumelelwa, kakuli kakokwani ka butuku bwa taku ni mulomo kakona kupila mwa masapo, mane cwalo ni mwa nama yekangezi.

“Butuku bwa taku ni mulomo kibobuñwi bwa matuku katengo kalifasi kakabona za makete alifolofolo kalemuha mwa libaka mobusiyo. Kikalibaka leo silelezo ya tokwahala, kungelela cwalo ni kueza makwakwa amipendo ya lifolofolo, minyako, ni libaka za mulao za mazwelo ni makenelo,” nekubaleha sitatimende.

Nama ye mezi kuzwelela kwa masilahala anyatezwi kulekisa nama kwanda’ naha yakona kulumelelwa haiba ifa mayemo alumelezwi ni kuzamaya ni liñolo kuzwelela kwa ofesi yebona za mipendo ya likomu.

“Kaufela zezwa kwa lifolofolo zesi za taku ni mulomo (inge likuhu, limbongolo, mahaci, ni litapi) ni limela zesina musutelo wa likomu ni zona lilumelezwi kufita. Kono lico zalifolofolo zesika ñoliswa litokwa mañolo kuzwelela kwa ofesi yebona za mipendo,” nekubaleha sitatimende. Likolo neli elelize sicaba kuya kwa ofesi yeli bukaufi yebona za mipendo ya limunanu hababata kuziba lika kabutungi.