Uakutura Kambaekua

Namibiab ǂhanub ge mîǁguiba ge ū, ǂnaumâiǁanǁguigu !nâ ra hâ omaridi di !gôaba nēsib mâ-ai 28.7 persentga xu 14.35 persentgu kōse ǁgôaxa-ūsa. Hāǀaro raseb ǂhanuba ra ǁgūbas ge !gao!gao !oabadi ǀkha aiǂhomisatoa !hū!âdi !gôaba 25 111 xu 50 000 kōse ūkhâi tsî ǂnuwisa omdi !gôaba 12 598 xu 55 126 kōse ǂharo kaisa 2030ǁî kurib kōse.

Nē ǂanǂansab ge !Hū!nāsi ǀAweǁguib !Nans di Direkteri, Kaire Mbuendeba ǁnāpab ge Presidents xa ǂGaimâihe hâ !Nans, Ommmās tsî !Hū!âde mās disa ǂoa ge wekheb !nâ gere gowaǀî soab ai ge dī. Nē !nans ge Namibiab ūhâ ǀgaisa ǁgoaǂuis, ǁanǂgāsaben aib ūhâ !ereamxasiba dīǀoaǀoas dis, ommās tsî !gao!gao !oabadi ǀkha a ǂhomitoasa !hū!âde !hūb a ǂhabase anǂgāsabena mās dis nî ama kai !khais ai nî sîsen. ǁNē ǁaeb !nâb ge Namibiaba 300 000 !gôab omdi !hūǁîna nî ombahese idi ǀkha !onkhao hâ, Namibiab !Gôakhâide dīs !Nans tsî !Hūb di Ommās ǂNûiǂgās hâra !gôagu ra mîsa !oa.

Mbuendeb ra mîsa !oab ge ǂhanuba nē !onkhaos hâ xawe ra ǁgūba, !kharaga !ēde omǂnuwis !aroma !garo!ā tsî kai!ā !âgu di ǁanǂgāsabena māsa. “Sida ge ra ǁnâu!ā ǁnaetisa ǀgauga sîsenūs !nâ-ū ǀguis nē ǁhawos omna ǂharo ra !gôagu ǂhâsib !hūǁîna mās disa a ī ǁoa !khaisa. Nēsa ra !aromas ge omn ǂhâsib ǂharo ra !gôagu, !hū!âdi ǂharo ra ǂganǀgaugu tsî kai!ādi ǁga ra ûi-ôa khoen ǂharo ra !gôagu tsîna,” tib ge ge mî.ǂHanub ūhâ ǁgūbade sī!nâs ra ǂgaoǀkhās ge, ǀkhara tsî !âubasenhe ra !nuriga sī!nâsa nî īǁkhā kai ǂâiǀgaugu tsî ǀnî hâ ǀgauga ommās ǂnamipe dītsâsa, Mbuendeb gere mîsa !oa. Nē !nans Presidents xa ǂgaimâihe hâs, Ommmās tsî !Hū!âde mās dis ge Jacob Nghifindakab xa nî aiǂnûbahe, sao ra khoen di mâxōǀkhās ǀkha: Heinrich amushilab, David Nuyomab, Fanuel Maandab, Barbel Kirchner, Rebecca Shilengudwas, Keith Hanudurab, Bruce Stewarti, Maureen Dausas, Julius Nyerere Namholob, Erastus Nicodemusi, Johannes Niikondob, amalia Nathanieli, Archie Grahami, Kadiva Hamutumwab tsî Jeckpelins Muundjuab hâna.