Matheus David

Ehangano lokuandjaneka olusheno moshilongo oshivike shadja ko ola yandja pambelewa eepoloyeka, mwa kwatelwa eengulu fikola keefikola mbali mOshitukulwa shaMaheke.

Oinima aishe kumwe oyo ya pewa osekundo fikola yaMokganedi TIhabanello noJairo Kindergarten oi li pongushu idule pomiliona N$1.6. 

Omakwafo oo okwa kwatela mo etungepo leengulufikola yaMokganedi TIhabanello nodalate yofikola koJairo Kindergarteneeshi tashi amene noku kandulapo omaupyakadi keefikola do komikunda noku keelela meengulu doku longelwa muhadi nai. Pefimbo a yandja omaano oo, umwe womovambelewa vakulunhu koNamPower Otilie Mujoro okwa yelifa kutya eyambidido olo oli li oshitopolwa sheenghendabala hadi ningwa kehangano laye, dilile po okuxwepopaleka ehengo, oku eta po eameno, osho yoo onele omo ovalongwa tava kala tave lihongo noupu. “Ehongo ola mona evatelo lihapu shaashi olo shimwe shomoinima ya fimana ta shi kwafele exwepopalo neyokomesho momudingonoko uli nawa,” Mujoro ta ti.

Mujoro okwa twikila nokutwa omukumo ovakalimo opo va kwatelepo nokulongifa nawa oilongifo ei opo yoo nepipi lokomongula li hange ili moukwatya uli nawa. “Natu longe leni kumwe opo tu paleleni onakwiiwa ili xwepo kokaana keshe”.

Omukulunhu wehongo moshitukulwa shaMaheke, okwa tumbaleka ehangano laNamPower eshi tali kwandja ngele nokuyambidi exumokomesho lehongo. Okwa tumbula kutya eshi itashi xu mifa ashike ehongo komesho ndele otashi kandulapo yoo engudumano lovahongwa lapitilila mongulu imwe. Oshali efafo li nene kovadali novanafikola moku tambulako omaana aa. Samuel !Gaseb omunafikola wondodo-11 okwa tumbula kutya oilongifo ei va pewa otai kaxumifa komesho ehongo lavo unene tuu moilongwa younongononi noundindoli.

Rebekka Kanguatjivi, omudali adja koDrimiopsis okwa yelifa kutya eyandjo loshimaliwa shoku tungifa eengulu dofikola osho la fiki nokeefikola dokomikunda. Okwa ti eshi osha eta ehafo linene nokweli neekela ounona otave keli honga noudiinini.

matheusshitongenidavid@gmail.com