Omupresidete Netumbo Nandi- Ndaitwah okwa gandja omahekeleko koshilongo shaGhana sho shakanitha aantu 11 mwa kwatelwa oominista mbali dhepangelo, sho endhakandhaka lyaakwiita moka yali lya gu mombanda. 

Oshipongashokaoshaholoka Etitatu lyoshiwike shika, kuumbugantu woshitopolwa shaAshanti koGhana. Otaku hokololwa moshiponga moka mwa sile minista gwetanga lyegamena gwaGhana Edward Omane Boamah oshowo minista gwomindhongoloko, uunongononi nuungomba Ibrahim Murtala Mohammed. 

“Peha lyaaNamibia ayehe oshowo puungaye mwene onga omupresidente gwaNamibia otandi gandja omahekeleko komupresidente gwaGhana oshowo kaakwanezimo ayehe yoonakusa oshowo ookume noshigwana ashihe pethimbo ndika edhigu mu li mulyo,” ta hekeleke ngaaka. 

Nandi-Ndaitwah okwa ti ezepo lyaaleli mboka ya simana inali guma ashike oshilongo shaGhana ihe olya gumu Africa aguhe. 

Ta ti omazepo gawo oga thigi po omwaka onene omolwa iilonga yawo ya simana ya kala nokulonga. 

“Namibia naGhana oya kala nukuumwe uuwanawa no wa kola, okuza pethimbo lyomakondjelomanguluk. 

Omolwa ayihe mbyoka iilonga mbika oya nkondopaleke elongelokumwe nombili pokati kayo,” ta ti ngaaka. 

Omupresidente Nandi- Ndaitwah ta ti oshigwana shaGhana nashi mone oonkondo, na shi hekelekwe noomwenyo dhawo nadhi tulumkwe mombili. 

vkaapanda@nepc.com.na