Rudolf Gaiseb 

Likwambuyu wa Linzila Veikko Nekundi ufile mamela kwa mapokola ba ba bona za kumamela milao ya famukwakwa ba ba kubyanisa bakwaezi balimotikala zelonga basupile. Zeo litaha kasamulaho mapokola bakubyanisa bakwaezi balimotikala zelonga basupile falibaka za miseco, teñi neba fiwa milatu ni ku amuhiwa mañolo abalumelela kulonga batu. Mwa ngambolo ni babihi ba makande naize likezo zecwalo likaswana zatisa kuli mapokola babacwalo ba amuhiwe maata.

Kakuba likwambuy wa misebezi ni linzila, luna ni maata aku amuha kapa kubeela kwa tuko maata amupokola akubeleka famukwakwa, haiba inge asa lateleli se ubulela mulao,”nabulezi. Kanzila yeswana Nekundi nasusuelize bakwaezi kulatelela milao kuli kukone kuba ni likute leli yelela. 

“Haluitekeli kuli mapokola ba famukwakwa bakubyanise bakwaezi, hape haluitekeli kuli bakwaezi, ili balimotikala zelonga basupile babulele maswe kwa mapokola. Kuswanela kuba ni kukutekana mwahala bao kaufela. 

Mapokola baswanela kueza musebezi wabona kusina kusitataliswa, bakwaezi ni bona swanela kueza musebezi wabona kakulatelela mulao basa kubyaniswi. Kutalusa kuli luitekela kuli bakwaezi balimotikala zelonga basupile baswanela kuba mi mañolo abalumelela kulonga batu,” nabulezi. Nakenisize kuli balemuhile bakwaezi balimotikala zelonga basupile bane ba amuhilwe mañolo abona kwamulaho.

“Mañolo ao akutisezwe, baswanela kulonga batu,” nabulezi. “Bane ba kwaeza limotikala zelonga basupile kono nebana ni butata ni taba yakufukuza nombolo yebaswanela kulonga, ba ba kwaeza limotikala zelonga basupile, kono neba bulelezwi kuno longa ba ketalizoho. Balumelelwa kukala kulonga basupile,” natolokile. Nasusuelize bakwaezi balimotikala zelonga basupile kukwaeza ni mañolo abalumelela kulonga batu. Likwambuyu nafile taelo makalo akweli ye ya kulumelela bakwaezi balimotikala zesupile kulonga batu.