Rundu- nguuru gomukunda Kavango zoupumezuva Bonifatius Wakudumo kahundil i re nombunga pol i t ika vana kulihamesera momahoroworo goupresidente nombongarero zanavenye asi vahepa kupapara mahwi momukaro gomuwa gompora. 

‘’Ose twahepokugava mfumwa kovakurona vetu, vantu vana kuparuka nourema ntani vantu ava vakara asi kwavanininl i r amo pwanare omu naturuganesa udemokoli kwahana matjiliso gongandi. 

Kuhorowora una nkondo wankenye gumwe, yipo asi nkenye ogu gahepa kukara nomulyo gwangoso. Age kahuyungire nonkango edi pepongo eli katulisire ECN kumwe novakwatesiko kuhamena mahoroworo ogo gana kuwiza, sivike sinapuko moRundu. Age katente asi nampili ngomutwakara asi nombunga politika dokulisiga siga, vantu vahepa kuyimona asi mahoroworo aga kuna kara ngendeseso ezi natuvhura natuvenye kukwama. 

‘’ Apa nye ngakapwa mahoroworo, diworoka asi ose vanekoro ndi ekoro limwe tupu.ose vantu nasipwa sendi, vantu namukurwendi. Ntani ose kwalikwarera kwarera. 

Eyiyinakaraasingendesesozoudemokoli, twahepa kulisiga momagazaro nye simpe twahepa kulifumadeka, yipo asi mahoroworo gahepa kukara gana wapa unenenkenye gumwe gahepa kuyitambura. 

‘’Ose twahepa kuruganesa siruwo esi mokulifumadeka morwa mahoroworo ntani kunkondopeka udemokoli wetu. 

Kavango zoupumezuva zahepa kusikama kapisi mokuhorowora mwelike nani nye namunye unene mongendeseso zomahoroworo. Age katente asi mahioroworo aga gosirongo kuna kara nye somulyo unene melikwamo lyetu lyosirongo. Yina kara nye mulyo kwetu ose nompitisili novakarelipo mompongasano, turuganene kumwe omu natutulisapo eruganeno kumwe lyewa omu tuna kuhundira navenye valitjangesa vaze vakahorowore. 

Eyi yina pumbwa eruganeno kumwe, elizuvho ntani kwato kusigako vamwe. Yimo ana kutanta, ‘’ Apa nye tuna kuza mononzogera dopwantani, ame kuna kuhundira natuvenye asi ngapi omu natuza nye komeho mokuronga vantu vetu omu ngava kahorowora ntani nombudi domulyo kovantu vetu. 

Mulyo gwankenye ehoroworo kukwama kovahorowoli ano ngesi sina kara situmbukira setu vakahamenemo momahoroworo nokukahorowora. 

Apa nye tuna kugwaneke re novakwatesiko, Kavango zoupumezuva mukurona gwazo gokugendesa mahoroworo Paulus Sifire katente asi ECN kuna kumona mulyo govahamenimo navenye momahoroworo aga gana kuwiza. Vakomisare kuna kara asi kuna kurugana moomu vavhulira asi pwakakare ehoroworo lyomutaro. 

Vaporosi ngavakara wokutara asi veta zahepa kuzikwama siruwo nasinye oso ngatu kara nomahoroworo, ano nombunga politika dahepa nye kugwana vantu nomukaro gomuwa noyilyo yawo yahepa kurugana momuwa. 

Age kagwedereko asi vana mbudi vahepa kurugana nawo sirugana savatumbukira mokugava nombudi ntani kugava marongo kovantu kuhamena ngendeseso zokuhorowora. -jmuyamba@nepc.com.na