NJA ye tuna ne kile ya luma mapokola mwamulenen`i wa Lisbon mwanaha Portugal kasamulaho mun`a yona yana I sweli a I ‘swaseza’ kueza cwalo.
Mapokola neba kile ba yemisa mun`a nja kakuli na zamaya ni yona isi ka mulao mwasibaka sa Cova da Moura, sibaka sesi taluswa kuli sina ni palo ye pahami ya bunjebwe mwamulenen`I wa naha yani.
Mun`a nja na kile a sabisa mapokola ni nja ya hae kono ka bumai mwanako ye kuswani feela nja ne kile ya maata ni kusiya mun`a yona yana I sweli ni kutakalala mapokola.
Mun`a nja una ni lilimo ze mashumi a malalu kaze keta lizoho (35).
Mupokola yo mun`I na lobehile ka nwana ha yo mun`wi yena na kile a holofala mwamanoka mwasimpangaliko tuna seo.
Mun`a nja u tamilwe fa ndu ya hae mi mapokola basa sweli kuno talima nja.
Mapokola banze ba sweli kuno lobaza linja ze bonahala kuli lisabisa hahulu ze sina ban`I ba zona kasamulaho musali wa lilimo ze mashumi a silezi a bulaiwa ki nja kweli ye felile.
Nihaike linja zen`wi ze tuna hali sabisi hahulu, li taluswa kuli li itusiswa hahulu ki batu ba ban`wi mwalindwa kapa kuli lwanisa zona zin`i fa makululu.