Taimi Haihambo

Omupresidente Netumbo Ndandi-Ndaitwah okwa pandula ovanyasha aveshe va li vakufa ombinga momaudano haa ifanwa Region 5 Youth Games, koshilando pangelo Etitano ladja ko.

Pefimbo ali ta yandje oshipopiwa shaye kovaunganeki vomaudano, omupresidente okwa ti, omaudano ka eshi ashike omafiyafano nomakondjifafano, ashike otaa dana onghandala mokuyambulapo nomokutunga eenghalamwenyo davahapu.

“Omaudano natango otaa longo ovanyasha omikalo oshoyo elongelo kumwe,” Nandi-Ndaitwah ta tumbula.

Okwa twikila kutya ngeenge ta shiya ponghatu yopaunyuni omaudono oku li odjo yakula yoku eta eebiliona moshilongo. 

“Omaudano otaa eta yoo omaudafano noma kwatafano mawa opokati koilongo, oshoyo ovatalelipo moshilongo, notaa patulula emhito doilonga oshoyo okuyambula po eliko loshilongo,” Omupresidente ta yelifa.

Ngeenge ovanyasha tava kufa ombinga momaudano, vati ohava yada oupale, voo ova tali voudano ngeenge tava fiki poupale navo, ohava yandje omhito kovanangeshefa vanini opo vadule oku shingifa oinima yavo, nokumonapo sha shomondjato.

Nandi-Ndaitwah okwa yandja efimaneko linene kovakufimbinga momaudano ayooloka moNamibia ngaashi omakoma oo Christine Mboma, Frank Fredericks, Johanna Benson, Lahja Ishitile, Ananias Shikongo, Helalia Johannes, na Jonas Junias. Okwa ti elitulemo lavo nekufo mbinga moumadano, olo la eta oidjemo iwa oyo ya pa epangelo eenghono, opo li dule ouministeli womaudono moilonga.

Okwa yandja etwo mukumo lakwata moiti kovanysha ava vakufa ombinga momaudano aa, vaha sholole nova twikile okulonga noudiinini noleitulemo, vahafife ovapambele vavo ava tava twikile oku vatwa omukumo efiku nefiku oshoyo Namibia alishe koonono.

Caption: Omupresidente Dr. Netumbo Nandi-Ndaitwah, ta yendje oshipopiwa shaye koshivilo shomaudano o Regional 5 Games moWindhoek