Taimi Haihambo

Helao Nafidi – Omupresidente waNamibia Netumbo Nandi Ndaitwah okwa pula ovakalimo vaNamibia vakale vena ekwatafano liwa naAngola oo eli oushiindalongo wavo. 

Eshi okwe shipopya pefimbo ali ta patulula omauliko oipindi aHelao Nafidi ati 18, odoolopa oyo ili peengaba daShikango naAngola.Nandi-Ndaitwah okwa ti Helao Nafidi odoolopa ili peengeba yoo ngeno omhito iwa vatameke oku kala vena ekwatafano liwa mokuninga oipindi. “Omauliko oipindi okwa tetwa okudja komafiku aheyali ndele taa etwa komafiku atatu molwa omhumbwe yoshimaliwa,” ta ti. Eli halo lapumbwa oku kala etomoneo shaashi oimaliwa oye mukalela. Eshi osha pumbwa ashike elongelo kumwe liwa oshoyo ekwatafano lela lapama opo Oshikango naAngola vakale  vena ongeshefa tai ende nawa. 

“Omunhu oho dulu oku hoolola kaume koye ashike iho dulu oku hoolola mushiinda shoye. Opena ouwa uhapu hatu dulu oku uningilwa kovashiinda vetu, ngeenge otwa tameke ekwatafano lakola navo,” ta ti. 

Okwa ti natango okwa hala elongelo kumwe liwa pokati komalelo eedolopa oshoyo omalelo oitukulwa. “Nyee ombushe moilonga vakula, ndele opo mudule oku shipondala omuna okulongeka kumwe. Omananafano nomatanguno hao ekandulepo loupyakadi. Ningeni ashike eshi shili mondjila,” ta ti. 

Okwa twa yoo ovakwshiwana omukumo vahoolole. Yee tawedapo kutya ava vahoololwa konima shama vapewa eenghono dokulela, nave shininge mondjila voo tava longo momukalo woku kandulapo ondjala. 

-taimihaihambo2000@gmai. com