Operesindenda yOkehi, Netumbo-Nandi-Ndaitwah (NNN), eye ngwa kuramene okupingena Onongo Nangolo Mbumba ngwari nomerizirira wotjihungiriro tjOtjiṱiro Otjindjandja nambano nge na ye, ma tja okuhatyasana nohoromende yEhi rOvandoiji ka ku nokuheya onḓuvasaneno.

NNN Oritjaine nda zuko wa patururire omaworonganeno wovanane vombazu ohunga nOtjiṱiro Otjindjandja, nge tjiukwa otjOchiefs’ Forum ohoromnende pu i yandja ondjivisiro kovanane vombazu ohunga na mbi mavi kayenda pokati kayo nongwao. Tjiva vovanane vombazu vOvaherero, Ovambanderu nOvakwena ndji va panḓere okukakarapo. 

Mu mu nozombara kehi yehika ra Kandjoze, nOuhonapare wOmbazu wOvaherero, OOTA, wOmbara Otjitambi Onongo Mutjindde Katjiua novanane vombazu vOvakwena kehi yehika rawo, Onama Traditional Leaders Association, ndi kondokerwa otjONTLA. 

Kuwo ombongarero ndji otja tji ve itjiwa ai he ri yomatyasaneno wohoronede  novanane vombazu otja tji i raisiwa nungwari aeri yovanane vombazu okuraerwa kutja ozohoromende nḓa azeembari kuzo ozeni za tye tjike nu za tyasana kutja tjike. NNN wina wa tjivisire omayaruriro haruku wepu indi, nai ndi ri ongondoroka na ndji ku za Oruyano Omaraisiro rwAavehe, poo ouatjiri wozohoromende azeembari, Ojoint Declaration yo 2021, ozohoromende, tjinene yEhi rOvandoitji, ndji ya tanda kutja mai tji suvisa epu ndi kutja ari ha katamunwa rukwao pokati kayo noya Namibia. 

Oro ndi i muna kutja ra kuramena ovingi, ozo nḓu za sere okutya pamwe kuyo mbiri ovisemba. 

OJD tji ya hungirirwa ape pokati kombura mOmbongarero yOtjiwaṋa, ya pirurwa tjinene i youṋepo wayo tjiva.

Imwe yozondekurona oruveze ndwo ngwari okaṋepo kOmbongarero yOtjiwaṋa kOrally for Democracy and Progress, ousupi ORDP, Mike Kavekotora, Katwarere omambo wa NNN komutima kaparukze. “Ongahukiro tjinene kutja ohoromende yOswapo ya tuwa mondjaṱu ya kazenga nu kanaai hungirirepo nokukuramenapo ku katjotjiri ozonḓero zozondekurona zoviwaṋa mbya ihamwa. Ngunda

omahungi motungovi ooimba na mbena aeri kutja NNN wa tanda okukoza omaundjiro wazo?