Gabriel Thomas 

Omuthiya- nosure dokusika ko 26 kuna kurugana dahana mema gomawa momukunda Oshikoto, ruha rwerongo, unkurungu, vadinkantu, maudano, yihongagura ntani Mpo yipo vana kugava yitundwamo yawo. 

Munamberewa kurona gona gelikwamo ntani gekeverero, Thomas Kalimbo katanterere Nampa momapuragero mouvali asi awo kundindira tupu mema vagagwene koruha romema rwepangero ntani kwaNamWater omu ava reta nye mema kosure. ‘’ Siruwo simwe, kapi ava reta mema nosiruwo,’’ yimo ana kutanta. 

Kalimbo katente asi awo kuna kugwanekere novakwawo ava avaruganene kumwe vagave mema gomawa konosure odo vanatura pelikwamo asi vagwana mema aga. Posiruwo nye oso, nosure dokusika ko 13 kuna kara nye ngesi kwahana rutjeno. 

‘’ Ose tuna gwanekere nare, nominiteli kukwama veta ndi ngendeseso zakarapo, omu natugava yirugana yakara yompumbwe, omu nye kavatutanterere asi mvhura ozo kuvhura vayature marutjeno konosure odo omu Nampower ana kuyayirugana,’’ yimo ana kutanta Kalimbo. Udigu umwe vana kugwanekera nawo mokukwama Kalimbo, kapi kuna kara yiruganeso yokurongesesa, unene ngwendi nombapira, ntani dokuruganesa yirongwa younkurungu. ‘’ Ose simpe kuna kutwikira kumona udigu omu nosure detu dina kuzura. 

Eyi nye yokupira nonkondwa rongero, kuna kureta udigu morwa kapi tatuvhuru kuronga nawa,’’yimo ana kutanta Kalimbo. Age katente asi varongwa wokusika ko 226 ava kayigumine yoruhanzo awo kuna kara ngesi asi ure wosivike kapi vana kara mononkondwarongero. ‘’ Nosure 13 kwadiguma unene yoruhanzo, nye ose kuna gwana tupu yitundwamo yonosure mbali edi dina kara asi awo ngesi nosure edi vana dihagekesa posiruwo sosisupi,yimo ana kutanta. 

Eyi kuna yiruganene morwa vanona vahepa kupita mema gomanzi vayasike posure. ‘’ Nosure edi, Lipopo zeligwanekero, ntani Osh iyagaya zel ipake re ro momudingonoko gwaOnyaanya, kavatente asi awo vana pumbwa nzira ntani muheke yipo nye muheke ogu varuganeseko mokupopera mema gaha hanzera nakunye, yimo ana kutanta. Mukunda kwakara nonosure dokusika ko 229. 

–Nampa