WINDHOEK- Kutunda tupu apa gapwekamo moudigu wokutura asi ngano vamuguse mevango lyendi lyokukara muhameni gondango zanavenye nomvhura dongandi tupu dakapita, mbunga politika zaNUDO evango eli gakare Chief Whip gwawo Arnold Tjihuiko kapi lina kara nomatjiliso nampili ngomu asi Hompa Chief Riruako gadogoroka. Awo kuna kutanta asi Riruako yige gakere tagamene Tjihuiko, momaudigu nagenye aga gamupita kwagwana ekwatesoko kwaRiruako, omu vadinkantu wombunga zawo vahere kuturamo asi Tjihuiko kapi ana kuvhura yirugana yendi. Konyima tupu donomvhura dongandi, vadinkantu tavayatjanga mbapira kwaRiruako omu vatuliremo asi awo kapi vanakumuhuguvara hena ntani kapi ana wapere kukara mosirugana sombongarero zanavenye. Age kwakazegwilire marapoto kovaporosi apa ngagwana nombudi dokumutjilisa gaditundu kovantu gapira kudiva. Presidente nye ogu vanaturamo gomupe, Asser Mbai katanterere nkera sayitunga zaNew Era asi makonakono simpe kuna kutwima vana kurugana vaporosi, nokutanta asi kapi pana kara nomukarodona pokatji kaTjihuiko nombunga zaNUDO.
Mbai ogu ana kara asi takasikama asi kandindate gwaNUDO momahoroworo ogo gana kuwiza goupresidente nokutanta asi mbunga zawo kazikere taziliyongoko koudigu wangesi nye age kapi ana hara kuzamo unene. Vadinkantu vetu kwatjenge mbapira kwanakufa Chief Riruako omu vageve asi aw okapi vana kara nehuguvaro mwaTjihuiko. Nampili ngomu nye vapilire kugava nokonda asi yinke vana tuliremo ehundiro lyangoso, muuyungi gombunga zawo age hena hamutjangagona gombunga, Vetaruhe Kandorozu, katanterere sayitunga zaNew Era ngoso. Ano Tjihuiko age katente asi nsene asi yitundwamo yovaporosi nayibubuka nokutanta usili hawe owo vayirugana ngatulimona nawo nokuvasigasi.” Kapi simpe yina yasiki kwange, ntani ame kwato eyi ninazuvhu.” Ame kwakuyimona asi siruwo sisupi ntaantani tupu katuzumbanesere Hompa gwetu kapi nakuyimona asi siruwo nare sina siki sokuuyunga yininke yangesi. Mokukwama Kandorozu, nampili ngomu yina kara asi Riruako gatusiga hawe kapi nayikahoroka asi Tjihuiko tukamugusemo mombongarero zanavenye. Awo kwatjenge mbapira zize kwaHompa, nye Hompa kapi gazireta nampili nakauke kokomitiye zegendeso. Ame kunakuyimona asi kapi yina wapa ntani kapi vakere nokonda nkenye asi yinke vanakupulira Tjihuiko vamugusemo. Tjihuiko ngakara ngorooro mukondi gwetu mombongarero zanavenye, yimo ana kutanta Hamutjangakurona. Ano mepongo nye eli kavakere nalyo mosikondovike, NUDO kahorowere gumwe gadivikwa mombunga zawo Ady Riruako, akaguse evango eli gasiga nakufa hompa Riruako. Riruako ogu gakere gwautatu pelikwamo lyawo, ngesi takakara nye naTjihuiko mombongarero zanavenye. Riruako ogu kakere asi kapi kamonekere kombongarero zanavenye kuna kuyimona asi moutatu takamoneka kumwe nokukagana mombongarero zanavenye. Riruako kutunda tupu kemanguruko age kwakara talihamesere merongo omu nomvhura dononzi gakara asi murongi posure zaMartin Luther High School. Nudo ngesi nazo kazigeve asi tavakarumbasana momahoroworo gana kuwiza goupresidente ntani mbongarero zanavneye mokwedi kwaMangundu.
Kandorozu simpe katente asi mbunga zendi nazikakara nepongo lyenene vakahorowore madina govantu navakaza mombongarero zanavenye ntani nokukatura nye Manifesto zawo paveta.