Otjotjiri ohoromende ya Namibia ya pa eyuva indi, tji ye ri 10-ku Tjitarazu ondjozikiro otjeyuva rOmausemba wOvandu nu wina otjEyuva rOvakazendu.
Wina Kakurukaze Mungunda ye mu pa ondjozikiro kundino ma imburwe nokutangwa nu nandarire kEzorongondo kuno tjitendeze tjomomeva tji tja rukirwa kuye. Posi ya imba eye omuini pa suvisiwa, pombongo yOruvanda kape raisa ondjozikiro yokutja otjo tjiri pe na ozombangaṋe zo 1959. Oo Mungunda novakwawo varwe ape o-11 eyuva ndo mba hayewa ave ṱire mbo.
Indi mari munika ayo eraka romuravaere Esther Veendapi Kavari (Pakarae), mokuti ongaango. Ovandu tjaave yahwa Kavari aa tarere nokuvemuna nomeho we omuini popezu po kiririnika pa wamamene. Nandarire Mungunda tji ma hwike etemba roporise. Kavari wari orupa rotjimbumba, Oritjatatu tji tja woronganene pozongungu zOruvanda, ozo ndino ndi nḓeri otjirumatwa tjehi. Pomazemburukiro weyuva ndi kehi yOtjirata tjOrukondwa rwa Khomasa, Ongooneya Sam Shafiishuna Nujoma pari omuhungire weyuva.
Kavari ma tja ozongungu zOruvanda inḓa pu pa suvisiwa ozombangaṋe zondjembo yo 1959, maze sokumuna ondjozikiro ndji ze i pwire. Tjinga imba mba suvisiwa muyo a ve nomana ngu maye tjiukwa posi ngamba kongungu ndji ka ku nomana wawo.
Na tja eye u norutuu romana wawo.
Kavari karaka romuravaerere mokuti ongaango uriri nu ngwari iumwe movengi mbemuna kokutja omakuruhungi wondjembo yo 1959 ye kondjisiwa okuzemisiwa.
Eyuva ndi aa tjiukwa Eyuva rOswanu, po rOndjembo yOruvanda poo ya Snymana, momana yarwe omengi. Po siya ku ndino ndi, nandaire Oritjatatu, rari kehi yotjizire tjEyuva Rouye Romausemba wOvandu poo Eyuva rOvakazendu.
Nandarire movimbumba mbyari pomazemburukiro waro Oritjatatu yari ongahukiro kutja otjingi kavyo mbo momakuruhungi mbyaavi tjiukirwa kuro nambano ra rira rarwe.
Pendje notjimbumba tjovaṱakume imba Ova!khomanina nouṋepo utatu wotjiwondo tjOndjembo, Adama na Josepha Nependa na Toromba Siririka na varwe keke uriri.
Nandarire oune oukuru wOswanu tjiva wari awa himwa kutja tjii hapo kuno tjitjitua poo indee?
Nangawari ape hina mbu ma ve tjiwa po tjina nandarire mbu ma kuzu ovanane votjira.
Ngunda ombango ya tjiva ayari komaisakero womakutu wokanepo nomunane omukuru wo Swanu, omuyaruke Kuzeeko Kangueehi.