Rumwe rwoturoto noruyano rwOindependent Patriots for Change (IPC) Onamibia omayekero wehi pendje noveta mbu ri ouhazendu worukapitaveze pu mari kotorwa kutja ri ungurisiwe kombwiro yovakwatera avehe va Namibia mokutunduuza onḓikameno yombwiro, omapangiṋino mombwiko nomekurisiro omakarerere.

Ama hakayene nohoromende yEhi rOvandoitji kutja i vatere notjimariva noruvara rokombunda yomakotorero wehi na wina omaupikiro motjiungura tjokurandisasana ehi momuano omukutuke pokati komurande nomurandise. Mombii tjingeyo mai pupaparisa omasorero womaungurisiro wehi rokozombanda nokuyandja ongwizikiro yousemba wouini muro nokuvepa ousemba otjouini waro ku imba mbe ri muro nai.  Wina mai kurisa omaunguriro wapeke womekurisiro woviungura vyotutumbo novikunwa meṋe yozonḓonḓu komanene wehi. Amai sembamisa omuano womahaṋeno wehi omukohoke amai ṱaṱere ku imba mbe hi nehi novaṱuta vondondo yokehi amai kayendisa ombamba omaupikiro wawo nokuvepa ounongo. Ohunga nozomburo zombutiro OIPC mai ripurire komaungurisiro wayo kutja omoruveze orusupi poo orure posi ya kutja yerire omakararere avehe mOnamibia mu mave munu mombwiro ongarerere. Omaningiriro ayehe kotutu twokusesura nokupaha maye sokutjivisiwa poruhaera nozokomiti zotjiwaṋa aze sembamisiwa okukara neho ronguvi komaunguriro wozongoporo.   

Tjingetjo OIPC i noruroto rokutja ozonganda zozongoporo azehe ze kare nohambwarakaṋa komekurisiro woviwaṋa mu zeri okutuurungira nozonḓuvasaneno zokotjiveta nḓu maze tjama nomamemeno woviungura; omarandero wovihepwa nu pu mape yenenisiwa omaweziro wonḓengu i yotjiwaṋa. Wina ozongondjero zokutja otjiwaṋa tji tjiwe kutja ongondoroka natjo pe kayenda ovitjitwa vyozongoporo maze okuyerururwa kutja ovitjitwa vyazo avi ha rire oviundikwa nungwari vi rire ovyomondjerera.