Taimi Haihambo 

Omupopiliko wopolifi yaNamibia Deputy Commissioner Kauna Shikwambi okwa ti ova lopotelwa oibofa youlunga momukalo wokatoo ya li tai dana onghandangala mexuliloshivike. 

Mushimwe shomoibofa oyo, omo mo omukulupe weedula 64 omukainhu vati a tulwa mokatoo komukainhu oo e mu dengela ta ti vati oha longele ehangano loNAMRA. Omufekelwa vati okwa lombela omukulupe kutya ota tumu oN$18 500 momavalulilo ombaanga omukulupe oo, ye ta lombwele vali omukulpe a tume eenomola edi di li kombanda yokaboba kaye. Omukulupe vati okwe shi ninga meendelelo, n mokafimbo kaxupi oku wete ashike vati eshi omwaalu woN$25 450 wa nanwa moakaunta yaye. Omufekelwa natango ina monika, nomakonakono opolifi otaa twikile. 

Moshiningwanima shikwao omwa lopotwa ovalumenhu ve li pokati keedula 28, 37 no 41 va tulwa moipandeko, eshi omufekelwa weedula 41 a ya e ke lishangife okamutwe komahoololo nodjapo yedalo tai ulike ouyelele uhe shi waye. 

Eshi ouyelele ou u li podjapo ya yandjwa komufekelwa vati otau ulike womunhu e li koRundu, omanga omufekelwa e li kOshivelo koshitukulwa shaShikoto. 

Opolifi oya ti natango ouyelele ou u li podjapo ya yandjwa komufekelwa vati ota ulike kutya mwene woufemba okwa fanekwa nale okamutwe komahoololo. Ovalumenhu aveshe ova tulwa moipandeko shaashi vati wumwe omufekelwa, vo venya vavali ove li eembangi damukwao. 

Natango moshitopolwa shaWalvis Bay omulumenhu womukulunhu, weedula inadi tumbulwa vati okwa longifa okamutwe keheshi kaye, ndele ta ka fanekwa okamutwe komahoololo, ye natango vati te ka longifa okukonga oilonga shihe li paveta. Mwene woufenba vati omulumenhu weedula 33 noha longo mo-ECN. Omufekelwa vati okushivike ashike opolifi vati inai mu tula moipandeko natango, nomakonankono opolifi otaa twikile. 

-taimihaihambo2000@ gmail.com