Opolifi koshitukulwa shaKavango West oye lipyakidila nokukonga olutu lomumenhu weedula 24 ou vati a wila momulonga mEtitatu komukunda Siyena.
Nakufya okwa tongololwa oye Mathias Lisovi omukalimo womomukunda Siyena.
Omupopiliko wopolifi koshitukulwa shaKavango West Chief Inspector Raimbert Muronga okwa hokolola ta ti okawato omo mwa li omulumenhu ou oka tenguka pefimbo a Ii ta kendabala okutauluka omulonga.
Opolifi oya hokolola tai ti Lisovi okwa xulifa momesho aina ou a hangika e li komukunghulo womulonga.
Lisovi naina aveshe ova hangika va hala okutauluka omulonga ashike ina okwa li manga e li komukunghulo womulonga a teelela olufo laye.
Ina okwa uda ashike omona a kuwa lutatu nokonima okwa ningina koshi yomeva.
Opolifi itai indile moshiwana kwau ta ka mona olutu lomunhu la kaama kombada yomeva opo a lopotele opolifi keshe i li popepi.
-fhamalwa@nepc.com.na