Muhuka mOtjomuise penohore romate nomanina Okaserandu tji maikutua kunno Oosheko Chula pOrutjanda rOngutukiro moine yomapeta. 

Ochula nai iri poruveze orutenga nozongombe o-47 ngunda Okaserandu ama isuvanene mosengo yatjo nozongombe o-46. 

Ngunda wina Oongos oyo ndji poruveze orutjatatu nozongombe o-38 airi kuno Obuck Bucanneers mOkahandja po Nau-Aib pombari. Nomahore hamboumwe uriri ngasewako nai, omayuva womasuviro inga tjiyakarako ku ma kusewa yane motjira atjihe momahore wondondo yopondomba motjimbere tja Namibia, ma pe munika ayo otjikara otjiseinina tjomapeta nai tiri pokati kovira vitatu uriri. 

Momahore nambano ngarire womate nomaniṋa tjinga ovira aviyetatu momahore ngasewako avihina omahore omapupu nu momahore tjiva ama vi hakayene novira vimwe novyo ovine oku hungamasana wina. 

Omukuturise wOkaserandu, Elemu Agnus, matja otjomahore nai tji ma yetjombokere oruveze oruzeu otjira tje tja tie oku rwira otjikorone. Ama tji yandja ombango koku yama onganda novanyande vokongotue ngunda wina momwinyo tjingewo komurungu tjiveya pokuhitisa ovimbere avehina otjimbere tji tja sere okuhita mavetjese no ku tjinyandisa. “Matukondjo okuhina okuyandjera ovira vyarwe oku hitisa ovimbere oupupu nu wina okuhitisa ovimbere ovingi kangamwa pona mehore arihe tjitweya ko ku hitisa.” Otja ku Agnus ovanyande vahupike ombango nu veno matinga tjinga ama vezemburuka omerizirira wo ku kuramenapo tjimwe tjotjira otjinanḓoṋeno nḓoṋeno mehi. 

Nandarire momaundjiro omanene nge mu kuramene womararakaneno wotjikorone, omukuturise unongamburiro kutja otjimbumba the tjinondjiviro okutjinda omutenge imbwi. “Ii, omaundjiro yeri kombanda, ;po siya tuna ovanyande mbakaha komurungu wan ai mbarora oku kara mongaro indji nu ma vetjiwa oku tjinda omaundjiro. 

Tunovanyande mbu ma tu yenene oku rundurura motuveze otja koutihu wetu menyando. Maturu mu kangamwa ehore,” ma weza. 

Okaserandu yasewa nomahore kuna Obucks Buccaneers, Okahandja United, Ochula Chula, OKK Palace, Ounama nOngos.