Taimi Haihambo 

ONGWEDIVA – Onhele yoMulti Purpose Centre mOngwediva oya tota po oshikonga shokuxunga ovakwashiwana omwenyo, osho yo okuninga omakonakono omukufi wo-HIV oshali. 

Omupopiliko wodoolopa yaNgwediva Ottile Shingenge okwa ti elalakano loshikonga eshi, okueta omakwafo popepi novanhu. 

Okwa twikila kutya oundjolowele wovanhu oo oshinima shotete, nova hala ve u kaleke po. 

“Onhele oi na ovanashilonga va pyokoka nova deulilwa okukonaakona omikifi da yooloka, osho yo okuyandja exungomwenyo kovakwashiwana,” Shingenge ta ti. 

Shingenge okwa ti ota indile ovakwashiwana aveshe va longife omhito, vo va kufe ombinga mokukaleka po oundjolowele wavo manga omakwafo ve a etelwa popepi. 

Okwa ti aveshe ava va pumbwa ekwafo lokumona ndokotola lwotete, ile va kala have mu mono shito, ndele ove wete kokule koipangelo, otava kumaidwa va ye kendiki eli. 

Vati okapangelo otaka kala haka patuluka Omaandaxa fiyo Etitano, okudja potundi 09:00 fiyo opo 10:00. 

-Taimihaihambo2000@gmail. com