I Deon Schlechter
OTJOMUISE- O Ministera yOtutumbo nOvikunua, Omeva nOmahua, John Mutorowa, warakiza kutja omahenununino womazeva womapitisito wovinamuinjo pendje nehi nomuinjo kamakaerere nunguari yatjitirua ourumbu uriri nundoovazu owo wakapita muwo mamutarewa rukuao.
Mutorwa erakiza indi weriyandjere mOmbongarero yOtjiwana otjiveke tjitjazuko kombunda yaindu o New Era momatjangua wayo aiyerike tjiyaraisa otjiungura otjimbanduangoma tjOtjirata tjOrukondua rua Maheke tjozongombe nÿumazeyenene okurandiswa pendje nehi mondondo yokombanda okutuurungira morukondua rua Cuando Cubango okuyenda ko Angola. O Angola marivanga okunjomokisa orutumbo ruaro rozongombe ape notjivaro tjomangete yetatu ozombura ndano nÿumazeya noro nai omeho rahuiririka mo Namibia kokutja omu mariisa ozongombe inÿa. Kamena rokutja o Namibia rina ozongombe ozombua mbua zombinÿu mouye porue nunguari wina omena rokutja oro eraranganda na Angola nu munao riri popezu naro okuranda ozongombe inÿa nokuzetuara ko Angola.
Erakiza ra Mutorwa wina reya kombunda o New Era tjiyatjanga ohunga nomarandisiro wozongombe zombinÿu ouzororunga pokati komahi eyeevari inga nÿeranda kozondola za America nu kotjimariva tjokombanda tjinene puitji kuzeranda mo Namibia. Ovaangola imba mbena otjimariva otjitindi tja America maveungurisa ourumbu ehi komanene muriri okuranda ovinamuinjo nokivituara nomuinjo mo Angola. Katjisupi o New Era yahorora kutja Ovaangola vesuta kombanda yozondola za Namibia pokati ko 17 nganduu ko 18 mo kirongarama kutja ovinamuinjo imbi vikaÞire poutemo wehi rao tjitjiri otjimariva o Namibia tjirihina maarirambere. Ihi matjihee kokutja otjimariva ihi tjiri kombanda nozoperesende pokati ka 35 no 50 kozongombe zomuinjo. Tjingetjo outomeno wa Angola una oruhepo orunene imba mberanda ozognombe za Namibia kuvekarandisa navemunu otjimariva otjihite otjinene. Tjingetjo pautu okutjiukua kutja ozongombe zeza munda imbui wokorondona okutuarewa komahi wa kangamua munda mbuina nayo kuzekazengera naze hiti mo Angola. Munao omahi wa kangamua munda mbuina no korondona wina otjiyendayenda ama yemana ovinamuinjo viayo ovizenÿu mena rokutja otuwondja tuavio viza mehi peyapayuva ehi nganda arahaverua iyourumbu mbuaraisiwa iyohoromende momautiro wombura indji.
Otja kozomburo otutjindo tuovinamuinjo itui tuayeruruka okuza momautiro wa Seninani pumapetataimbua kutja ape ovinamuinjo okuza munda imbui wo korondona viarandisiwa omueze imbui. Ngunda otjivarero atjihina kutjiukua nawa kotjiveta, petataimbua kutja ozongombe pokati ko 2500 no 3000 momueze zarandua iyo Ovaangola mbehita momahi wa kangamua munda mbuina no korondona kozondola za America nokuzetaurisira kehi rao mouzororunga. Ongaro indji izunÿaprasiwa iyokuhina orumbo pokati komahi ayeyevari inga nu otjeri oupupu kOvaangola mberanda ozongombe mo Namibia okuzetaurisira ko Angola okururumisa omukoka omukonde womahi.
Mutorwa wepe kahurura nawa kutja omapitisiro nomahitisiro wovinamuinjo mehi yewira kehi yOveta yOmapuisiro wOvinamuinjo yo 1977. Oyo itjayera kangamua omahitisiro nomapitisiro wavio mo Namibia nokuhina ousemba wOmutjange wOmapuisiro wOvinamuinjo, Eric Petrus. Mutorwa matja o ministeri ye yahaverua iyomaningira wokupitisa ovinamuinjo viombinÿu mehi okutuara komahi warue. “O ministeri munao opuyatuapera omuhunga mo 2010 wokutjevera omapitisiro wovinamuinjo viombinÿu pendje komahi warue morukondua ruo SADC, mumuna o Angola no DRC mena rongaro ndjaripo ndjihari nondjeverero ovinamuinjo viombinÿu maa vipiti mehi,” Mutorowa watja.
Nandarire kutja kaatamunine ondando y Orukondua rua Maheke okutuako omunue kembo konÿuvasaneno omueze mbumauyende okupitisa ozongombe ozengi okutuara ko Angola, Mutorwa wepekahururire kutja otutuu tuokotjiveta matuhepua okupitisa kangamua otjinamuinjo, notutuu itui tuyandjua iyo ministeri ye kehi yondjoverero ondue yOmutjangise wOrupa rOmitjise vio Vinamuinjo.