ONDANGWA – Ovanangeshefa 280 mwa kwatelwa omahangano a yooloka otaa kufa ombinga komaulikilo oipindi yaNdangwa.
Omaulikilo oipindi okwa tameka momafiku 27 notaa ka xula omafiku 5 Juli.
Omaulikilo oipindi okwa fimana molwaashi otaa etele eedoolopa oyuuyemo nosho yo eemhito doilonga kovanyasha va landife oilandifomwa yavo.
Omupopiliko welelo laNdangwa Petrina Shitalangaho-Mutikisha okwa ti omaulikilo oipindi otaa ende nawa okudja efiku lotete.
Okwa ti omaulikilo oipindi otaa patululwa pambelewa mongula kuminista weedoolopa nomayambulepo okomikunda James Sankwasa.
Okwa yelifa ta ti efiku lepatululo pambelewa oshiwana otashi piti oshali okuya koshivilo shepatululo pambelewa loipindi.
Onghela Kundana okwa talela po omaulikilo oipindi kOndangwa omo ovanangeshefa va hokolola kutya oipindi otai ende nawa molwaashi okudja efiku lotete ovanhu otava holoka momwaalu muhapu.
“Otwa pandula elelo laNdangwa eshi le tu pa omhito yokulandifa oilandifomwa yetu,” umwe womovanangeshefa ta ti.