Taimi Haihambo

Omupedu minista wouministeli weameno noonakulwa vakulu Charles Mubita okwa yeulula ombelewa yoonakulwa vakulu mEenhana Omaandaxa.

Oshikondo shoonakulwa vakulu moshitukulwa shaHangwena vati osha ninga oule weedula 17 shi he na ombelwa nosha kala ashike sha idililwa metungo louministeli wounamapya, eeshi, omeva nomatulululo omadu.

Pefimbo leyeululo letungo lombelewa Mubita okwa ti ombelewa ota i kakala hai vatele aveshe vomoshitukulwa shaHangwena na aveshe ava vapumbwa ekwafo lanyama kombelwa yavo.

Omukulunhu woshikondo shoonakulwa vakulu moshitukulwa Mathew Kapenda okwa ti ovaninga oule wefimbo veli mofina. 

“Omunhu ngeenge toya mombelwa i hokala lela wamanguluka ushi kutya ombelwa kaishi yeni,” Kapenda tai.

Vati ngaashi pefimbo loCorona ovanambelwa vahapu vati kava li vahalikilamo mombelewa, omolwa omwaalu wovanhu oo wa li wangebekwa pefimbo olo. 

Okwa ti opoloyeka oyemuhafifa ndele eshi shemufaufa osheshi nokuli ovanhu vatameka okutunga nale.

Opoloyeka yokutunga oye li neekelwa ehangano loAugust 26 vati teelwa ikale yapwa muDesemba neudo.

Oonakuluwa vakulu ava va li poshitufi navo ova pundula onghatu yakatukwa kepangelo, yoku va tungila ombonge yavo. Ovaholola yoo olupandu ta vati natango epangelo oli vana keemwenyo no ta li twikile oku fimaneka ekufo mbinga lavo mekondjelo manguluko.