Ombuiko yOkuhara nOkurikurisa Ehi ya Namibia iri ohaisase kutja omondjindiro yotjimariva tjayo poo omongarero yayo.
Ovitjitwa vyayo viraisiwa nokuhina orukoka rokutja mavizupi nu maviipi novivarero vyotjimariva tji tja kwizikwa otja kondiero yotjimariva yehi naitjo tji tja ungurisiwa kavihitasana tjinga apehina orukoka rwavyo orukahu.
Tjazumba wina kapari omataruriro omakoto mo 2025, Omutare wOmambo wOtjimariva wOhoromende, Junius Kandjeke maraisa omarambe omaserandu ohunga nombuiko indji.
Waraisa oungundipar e wombuiko indji morapota ye yombura yotjimariva ndjayandere tjiyari 31 kEseninarindi mo 2025.
Matja tjimwe tjovitjitua ovipite mondjira ovinenenene orutuu rotjimariva rombura ndjazuko, ndu ma ruraisa kokutja ovivarero ovisasanekwa vyomaungurisiro watjo vya tanaurwa nomasa motupa pekepeke nokuhina ondjerera yomatanauriro wavyo.
Otjo tjisasanekero Kandjeke maraisa kutja omaungurisiro wotjimariva ngatjama kosarama owo ayehe notjimariva tjawo atjihe tjOzondora za Namibia omangete o4.9 tji tja ririsiwa tjo tjiungura tjondjeverero tjOzondora za Namibia omangete o-3.7 naitjo tjouyenda, tjozombongarero nomasekirisiro tjOzondira za Namibia o-1.2 no kuhina omaraisiro poo omahandjauriro womatanaukiro inga.
Tjingetjo otjipite komananeno womberoo tja henunuka nOzondora za Namibia omangeteto o-2.4 ngunda itjo tjotupa twarwe atja yeruruka notjivarero tjingetjo.
Omarundurukiro inga maye hanika no ma tarero womambo wo 2024 nombuiko kaina indu pu ya handjaura ombangu indji. Kandjeke marakiza kutja otja koomazeva womaunguriro womambo wotjimariva, ndoovazu patjitwa omarundururiro tjingetjo otjimariva itji ku tja rundururirwa tjasere okuraisiwa poo tjasere oku kara norukoka kutjai poo kutja rundururirwa. Pendje ndoovazu tjeri ouzeu wokutjita nao.
Matja orutuu wina rotjimariva otjihite notjipite karuna indu maru raisa omahitiro nomapitiro watjo mo ma yandero wombura otja komazeva womambo wovyungura vyohoromende.
Nape omambo wotjimariva wOmbuiko indji meraka romatarero womambo ndji isanewa otjo hatjate.
Momatorokero wayo ndji ma itja omamabo wotjimariva kaina ohongonono ndjiriyo yotjimariva otja pu ma peundjirwa poo pupe undjirwa otja omazeva womatarero womambo wotjimariva.