OTJOMUISE- Ombunguruaveta yo Meatco, oyo ndjatanderua kutja ovatuta momahi wa kangamua vekare norupa motjitamba otjipaturuke tjomarandisiro wozongombe nawina kutja owo vekuramenuepo motjitamba otja tjivasere, nai imuna ombango.
Operesidenda Hifikepunye Pohamba matja nao mehungire kotjiwana ndayandjere erero mOndjuwo yOzoveta nu ndi ehungi re kotjiwana eseinina otjotjiuru tjehi. Matja otjitamba tjovinamuinjo orupa ongunÿe yotutombo novikunua nu mokukondja kutja ourumbu auhayeta onjoneno onene kovaÞuta vovinamuinjo, ohoromende opuyayetera ombatero indji yokutunduuza omarandisiro wovinamuinjo.Matja otjiungura ihi tjatjita kutja ovinamuinjo mbiri kombanda yo 360,000, oviÞiÞi no 104,000 ovinene virandisiwe.
Ozondola za Namibia azehe kumue ozondola za Namibia omangete o 55.6 ondaungirisiwa motjiungura ihi mumuari wina okuvatera ovaÞuta okukayazemisa ovinamuinjo viao komario warue.
Pohamba matje eye wina unohange kutja otutu otukonÿonone nai tunozongonÿononeno momihoko viovinamuinjo viomehi orini ovikutu nu mbimaviyenene okutjinda ongaro yomuinjo weyuru wehi kutja ovio ndinondi virire orupa rovinamuinjo ehi mbiritumba.
Matja o Namibia ratona mokutjurura omitjise viovinamuinjo mbiamunika motukondua tjiva tuehi. Ihi tjatjita kutja otjitamba tjomaunguriro wonyama naviarue mbiza ponyama tjikayende komurungu okurira otjipaturuke kovitamba viomarandisiro viorukondua noviouye. Nai penongondjero youveruke kutja otjitamba tjomarandisiro wonyama ko China tjipaturuke na ko Mahi Omakutasane wa America.
Pohamba watje okutjurura ouzeu wourumbu mbukara mehi ozombura inÿa nÿakapita, ohoromende yayandja ozomburo zomeva kutja okokunuwa iyovandu poo owo vinamuinjo motukondua tutuaÞunua. Muzo muari omatungiro womiriu viomeva okunana omeva okuvasisa koviwana nawina okututumuna ozomboora motupa peke peke tuehi momahi wokombanda. Ourumbu mbuamunika mehi ombura ndjazuko waraisiwa otjourumbu wa nanguise mbuhina wakarereko mozombura o 30 inÿa. Watuna kovature va Namibia omayovi nuwina auzepa ovinamuinjo novipuka omayovi. Ohoromende nai yaungurisa ozondola za Namibia omangete o 583 okuruisa ouzeu wourumbu imbui.