Auleria Wakudumo 

Omupopiliko wopolifi yaNamibia, Deputy Commissioner Kauna Shikwambi okwa holola kutya omulumenhu omukwashiwana waNamibia okwa dengwa komuyandji waye woilonga oo e li omukwashiwana waChina molwaashi e mu denga noku mu kufila ombele. Shikwambi okwa yelifa kutya ouyelele wotete oo wa adjanekwa komalungula tau holola kutya omulumenhu ou, okwa dengwa kongudu yOvachina molwaashi ta pula oimaliwa yaye kau li mondjila notau pukifa oshiwana. 

Otaku hokololwa omulumenhu a ka pula oshimaliwa shaye komuhona waye e li koshi yodungo noku mu ningila omatilifo nombele yokapi. Mokavidio kakwao ka andjakana komalungula otaka ulike omulumenhu ou ta denge Omuchina omanga a kondoveka ombele. “Omuchina okwe lipopila ashike ndele naye ta denge omukwashiwana oo. Aveshe ova mona oshiponga nova li va twalwa koshipangelo va ka mone epango lopaunamiti,” Shikwambi ta ti. 

Shikwambi okwa holola yo kutya omukwashiwana okwe livaka mo moshipangelo omanga ina pewa epango lopaunamiti, ina xulifa ngaashi tashi hokololwa kuvamwe.Okwa ti Omuchina okwa patulula oshibofa sheponokelo. -wakudumoauleria@gmail.com