Omulumenhu weedula 52 okwe lituwa a xulifa koshi yomuti konima eshi a ninga omafiku ta kongwa komuholike waye oo kwa li ve na okuhombola naye omwedi tau ya. 

Olutu ole lituwa Osoondaxa efimbo longula kodoolopa Omaruru. 

Nakufya okwa tongololwa oye Wenzilaus Mangundu. 

Otaku hokololwa kutya koshi yomuti okwa hangika oshitayi sha teka sha mangwa nodalate. 

Otaku fekelwa kutya pamwe vati okwe limangeleka. 

Omupopiliko wopolifi moshitukulwa Erongo Senior Inspector Judith Shomongula okwa hokolola ta ti omulumenhu ou ova ya kOwambo konima yoivike ivali nomukainhu waye opo va ka longekide oshivilohombo shavo. 

Opolifi oya hokolola tai ti omafiku 16 Juli Mangundu okwa lekela omukainhu waye kutya ota shuna koushimba. 

Otaku hokololwa kutya omafiku 16 omo ngaa efiku olo Mangundu ve lihula okopopya nomukainhu waye. 

Opolifi oya hokolola tai ti ongodi yanakufya oya dima nokudja opo omakainhu okwa tameka okukonga mwene waye. 

Opolifi nayo okwa li ya shivifilwa kombinga yomulumenhu ou a kana. 

Olutu laye ole lituwa komukainhu kwa li ta tyava. 

Omakonakono opolifi otaa twikile. 

-fhamalwa@nepc.com.na