Abraham Mwanyekange
Omushikingalo ayambuka koumbangalanhu waNamibia mOngenga koshitopolwa Ohangwena Mutilifa Paulus ashiivika nawa nedina Ree-Kay okwati kefi ashike omwiimbi weengalo kakele okuli onga omunyoli wokoshipelende.
Ree-Kay okwati okwashiivika unene nawa molwa oukwtya waye wokulonga ounona unene okavidio taka ifanwa kutya omuhongi okuli peni? oko tati otakamonika kepandja laye lo TickTok. “Kandishi ashike omulongifikola , ohandimwenyeke yoo nomahokololo ame ondili yoo omushikingalo,” tati. Paulus okwati okangalo kaye kedina Itandi kana nomona womailikano ihakana okadana onghandangala yakula poivilo yeefikola moshitopolwa shOhangwena molwaashi oko akala nokumwenyekifa opo anwefemo oshiwana shokomongula nokushipukulula.
Meengalo dange ondalongifa omuningi woikwelenge wObeat oya Shortie molwaashi okuli efinde nawa omusiki ei handiimbi yo Afro-pop. “Meengalo ondaumbatamo etumwalaka tali lwifa oimbuluma yopaukashike koo okanhu, ngeenge owa pwilikine nande okangalo kange oko takati omutima wange ndekapitifa Valentine, otaka hokolola ongushu yohole oyo yadja komutima,” Ree-Kay tati.
Ree-Kay okwati otaka pitifa okakasheta kaye taka ifanwa ‘Letter to the most higher’ momwedi Marsa omo ati okwa umbatamo etumwalaka leitavelo, omukumo oshoyo elunduluko mponghalamwenyo.