Paulina Nekandjo okwa ti ye oshiima sha kula ngeenge tashi ya pokushika okaxumba molwashi ovanhu ove hole okumupwilikina ngeenge ta imbi.
Nekandjo ou e na oulema woshipa okwa ti eshi itashi mu teya omukumo wokulongifa ounongo waye.
Okwa ti paife otashi ki okaxumba oule weedula 17.
Okwa ti momudo 2015 omo a tameka okulonga eetundi dokaxumba.
“Ohandi denge okaxumba poivilo ngaashi omafudiko, omaxupulifo nosho tuu,” ta ti.
Okwa hokolola ta ti ngeenge owa hange ta shiki okaxumba yee ta imbi eimbilo, ovanhu aveshe ve li poshivilo opo okuye ashike va pwilikina.
“Ame ekoma la kula ngeenge tashi ya pokudenga okaxumba. Onda pewa ounongo wange kukalunga,” ta ti.
Okwa ti okuudite etumba okulongifa ounongo waye okudenga okaxumba nokuimba.
Nekandjo okwa yelifa ti oha yandje eetundi dokaxumba kovanyasha osho yo kovanhu veedula da yooloka ve na ohokwe yokulilonga okaxumba.
Okwa weda po ta ti eetundi dokaxumba ohadi longwa keenhele ngaashi Oshakati, Ondangwa osho yo kEenhana.
Okwa indila shiwana opo shi ke li shangife okulongwa eetundi dokaxumba shaashi oshiwa unene.
Okwa yelifa ta ti ovanhu ovo va longwa eetundi dokaxumba kuye paife ova ninga omakoma a kula mokushika okaxumba.
“Osha fimana ngeenge omunhu ta longifa ounongo waye tashi pitile moshika okaxumba,” ta ti.
Okwa weda poa ta ti oilonga yokushika okaxumba oiwa shaashi omunhu oha dulu okulilongela oshimaliwa shaye mwene.
“Okaxumba paife a ka longifwa koivilo yeefya. Oka fimana shaashi a ka mwenyeke oshivilo nomaimbilo unene tuu pefimbo ovanhu va nyika oluhodi,” ta ti.
Nekandjo okwa ti natango oshi fimana ovanhu ngeenge ove li hange ve li moshilemo shilaula sholuhodi opo va kwashipaleke kutya ova eta okaxumba.
“Okaxumba a ka hekeleke ovalilifya tashi pitile momaimmbilo taa imbwa,” ta ti.
Nekandjo ota monika konomola yaye yongodi 0813793542, kouyelele wa wedwa po kombinga yokaxumba.