Omukainhu weedula 37 okwa kwatwa po shaashi vati a dipaa nombele omulumenhu waye weedula 35.
Oshiningwanima osha ningwa Etivali efimbo lomutenya kolukanda Havana moWindhoek.
Nakufya okwa tongolwa oye Morgan Blow omukalimo womolukanda Havana.
Omupopiliko wopolifi koshitukulwa shaKhomas Chief Inspector Katrina Naukushu okwa hokolola ta ti ovaholafani ava ohava di meumbo limwe nova kala hava tanguna lwoikando ya yooloka.
Otaku hokololwa kutya ovaholafani ava ove l denga Omaandaxa konguloshi ashike mongula eshi kwa sha natango ova tameka okutanguna.
Omufekelwa vati okwa kufa ombele yokapi ndele ta tu omulumenhu waye meemhati nokulidenga po.
Ovanailonga vohambulansa ova fika diva poshiningwanima opo ashike Blow okwa hangika a xulifa nale. Opolifi oya hokolola tai ti omufekelwa vati okwa penduka e kwete ombele efiku olo ta ningile omulumenhu waye omatilifo kutya ote mu dipaa.
Omufekelwa ota pangulilwa oshibofa shedipao nomakonakono opolifi otaa twikile.
Otaku hokololwa kutya omufekelwa okwa hangika e na oipute komilungu osho tashi ulike kutya okwa li tave lidenge nanakufya.
Opolifi oya kumaida ovaholafani opo va kale hava ka konga omakwafo kovaxungimwenyo ile kovafitaongalo ngeenge ve li moupyakadi shaashi okulidenga kaku shi ekandulepo lomukundu.