Omulumenhu weedula 33 ou e li omufekelwa moshibofa shekwatonghonga okwa monifwa oshiponga nekatana komutwe komukainhu oo vati a li ta kendabala okukwata keenghono. 

Oshiningwanima osha ningwa Etivali komukunda Oshikweyo moshitukulwa shaShana efimbo loufiku. 

Otaku hokololwa kutya omukainhu weedula 20 okwa kengelelwa konima eshi a kwatwa onghonga nokudengwa komulumenhu oo e mu fana keumbo laye opo a ka ninge omunailonga waye. 

Omukulunhu koshikondo shokukonakona oimbuluma moshitukulwa shaShana omupedu Commissioner Fredrik Ndjadila okwa hokolola ta ti nakuninga oshihakanwa okwa li ta kongo oilonga yomomaumbo. 

Opolifi oya hokolola tai ti okwa dengelwa ongodi komufekelwa ta ti na ye keumbo laye opo a ka kale nounona vaye. 

Otaku hokololwa kutya mokufika meumbo omufekelwa okwa lombwela omukainhu kutya ounona ova ka talela po. 

Okudja opo okwa ufana omukainhu wonduda yaye yokunangala ndele te mu pula vaye moixulo ashike ina hala. 

Opolifi oya hokolola tai ti omufekelwa okwa nukila omukainhu ndele te mu denge neengonyo nokonima okwa ya naye moixulo inashi dja kehalo laye. 

Aveshe ova kala tava kondjo nokulidenga molwaashi omukainhu okwa li a hala okufaduka po. 

Omufekelwa okwa kwatwa po nota pangulilwa oshibofa shekwatonghonga. 

Opolifioyakumaidaovakainhu opo va kotoke ngeenge tava kongo oilonga molwashi ovanhu ova kala oikengelela. 

-fhamalwa@nepc.com.na