ONGWEDIVA – Omukainhu weedula 21 e li omulihongi koshiputudilo sho- IUM okwe limangeleka monduda yaye yokunangala. 

Oshiningwanima osha ningwa Omaandaxa efimbo longula mOngwediva. 

Nakufya okwa tongololwa oye Lemisia Ndahambelela Shipanga. 

Omupopiliko wopolifi moshitukulwa shaShana Inspector Frieda Shikole okwa hokolola ta ti omulihongi ou okwe lituwa kumukwao oo hava di naye monduda imwe e li meemhango. Opolifi oya hokolola tai ti omukainhu oo hava di naye okwa dimbuka okudja keetundi nokonima eshi a fika monduda okwa hanga Shipanga e limangeleka a xulifa nale. Otaku hokololwa omukainhu ou ina fiya po omukanda tau yandje ouyelele kombinga yefyo laye. 

Omakonakono opolifi otaa twikile kombinga yoshikumungu eshi. 

Okwa didil ikwa oikumungu yomalimangeleko ya ninga ihapu unene tuu kovanyasha. Opolifi oya kumaida ovanyasha opo va kale tava ka konga omakwafo kovaxungimwenyo osho yo kovafitaongalo molwaashi okulikufa omwenyo kaku shi ekandulepo lomukundu. 

-fhamalwa@nepc.com.na