ONGWEDIVA – Omulihongi teli hongele ou indjinia moshiputudilo shaUnam Jose Eduardo dos Santos mOngwediva okwa kwatwa po eshi vati a vaka oitenda yokutula keekompiuta. 

Oshingwanima osha ningwa momwedi Juni mombelewa omo ha mu pungulwa eekompiuta i li moshiputudilo. 

Oinima ya vakwa po oi li pongushu yoshimaliwa yoN$45 000, ashike oya monika. 

Omukulunhu wopolifi moshitukulwa shaShana Commissioner Naftal Sakaria okwa koleka oshiningwanima eshi shoulunga sha ningwa komulumenhu womido 22 eli modula onhi-2. 

Opolifi oya hokolola tai ti omafiku 18 Juni omukeleli womaliko okwa tuminwa etumwalaka komulihongi umwepo ta li kutya na ka tale kokafano molwashi opena umwe avaka oitandu yeekompiuta. 

Ota ku hokololwa kutya omukeleli womaliko okwa tala mombelewa omo ha mu tuvukilwa eekompiuta ndele ta mono kutya epakete ke li mo mboli. 

Opolifi oya hokolola tai ti omafikuk 31 July, omunawimo wopangela eekompiuta okwa shivifilwa ndele tai konhele oko kwa vakwa oitandu nokumona kutya eekompiuta adishe ka kwa li tadi longo shaashi da vakwa oitandu oshoyo eengodi odo di kwatafana opo okompiuta i longe. 

Ovanambelewa ova ka tala natango kokafano ndele tava monoko omulihongi aumbata epakete mu na oitandu yokutula keekompiuta. 

Opolifi oya ti omafiku 4 omwedi ou, omulihongi okwa ya komukeleli womaliko aumbata ondjato muna oinima oyo avaka po ndele te mu lombwele kutya okwe ya aula. 

Omukeleli womaliko okwa shivifila vakwao oshoyo ovanambelewa moUNAM ndele tava lopotele opolifi. 

Ota holoka nena momhangu yamengestala waShakati. 

Omukulunhu ta wilike oshiputudilo shaUnam shedina Jose Eduardo dos Santos, Dr Petrina Johannes okwa ti Unam okwe li pyakidila nokuningila omuholingi ou omakonakono. 

fhamalwa@nepc.com.na