Taimi Hiahambo 

Olomakaya eli omunyanyo uli omhinge nomahepeko ovakainhu nounona owa finda keesaala daHelao Nafidi moshitukulwa shaHangwena, okotaku ka kundafanwa ekandulepo lomaupyakadi ou. 

Omutoolinghundana Fillemon Amoongo oo a shivika nawa nedina DJ Munene, oye omuunganeki nomukwateli komesho oshinyangadalwa eshi ta ti oku kwafela omukainhu Omunamibia osho ondjodi yaye alushe. 

Ta ti meifano laye loku leshela Ovanamibia eenghundana keshe ongula okwa didilika mo omahokololo ena sha nomahepeko nomadipao oomeme nounona, tave a ngilwa unene kovalumenhu. Amoongo ta ti ovanhu vamwe ove li meehombo di hena ombili neudafano, vamwe ota va ningilwa omatiflilo oku di pawa keshe efimbo, vamwe ohava dengwa kovaholike vavo vopaihole, nai kwao ihapu yawedwako. 

“Keshe ongula handi leshe oiningwanima yoludi eli ndele kape na lela omakwafo. Osho osha finanekange opo ndi dule oku hanganifa oomeme, fye tuli nyike komilungu, pamwe ha tu mono etindi loyeetifi yoinima ili ngaha fye tu tale kutya ohatu ningi po ngeipi,” Amoolongo ta ti. 

Amoolongo okwa ti keshe odula oha ningile ovaNamibia omwafo oludi eli, nohemaningile omeme aveshenootate.“Oshikandoeshionda hoolola oshitukulwa shaHangwena kondadalunde, shaashi oshihina oiningwanima yomateelelo ounona eli pombada. Oikwafifo yokaanao kokadokna ngaashi oukote nai kwao ya wedwapo oshoyo elongo lawana koshikondo osho nao oku li momusholondodo womaupyakdi haa taalelwa keshe efiku” ta ti. 

Vati natango okwa didilika yoo oibofa yomahepeko oomeeme nounona ili pombada nee nghono, oshoyo omalilandifo ovakainhu, omo muna noibofa younona ve li koshi yeedula unene modoolopa yaShikango. 

Omutumba ou vati owa nuninwa ovanhu ve li o5000 ngeno okudja peedula 15. 

taimihaihambo2000@gmail.com