Charles Ndeumane
Uuministeli wuunamapya nuuniimuna, omeya netulululo lyomavi owa tula miilonga ompangela yopashigwana yuunamapya nuuniimuna ndjoka ta yi ka lundulula onakuyiwa yoshilongo ngele ta shi ya kiikulya.
Uunambo Namibia okwa tula miilonga oproyeka yoku yambula po oshikondo shiikulya ta yi ithanwa Strategy for the Transformation of the Agri-Food Sector (STAS) ndjoka ta yi lalakanene oku indjipaleka iilongomwa yuunamapya nuuniimuna moshilongo, oku kaleka po oonzo ndhoka ha dhi longithwa muunamapya nuuniimuna, oshowo oku yambula uundjolowle waantu noku kandula po onkalo yokwaahena iikulya moshilongo.
Mesiku olyo tuu ndyoka uuministeli wuunamapya nuuniimuna owa ndhidhilike euvathanotsokumwe lyi li momulandu gwehangano lyiigwanahangano yaAfrica lyoAfrican Union gwehumokomeho lyuunamapya nuuniimuna muAfrica. Euvathanotsokumwe ndjoka
Uuministeli ota wu ka andjakaneka omashina niilongitho yuunamapya nuuniimuna miitopolwa ayihe 14 moNamibia opo wu shi ninge oshipu kaanafaalama miilonga yawo oshowo oku gandja ompito kaantu ayehe ya imonene iiyemo oku pitila muunamapya nuuniimuna.
Ominambelewa gwiipambele yoshigwana muuministeli wuunamapya nuuniimuna, omeya netulululo lyomavi Regina Valombola okwa ti oproyeka oyina oongudhi dhi li ne na yimwe yomudho yi nasha nekandulepo nota yi kwashilipaleke kutya Aanamibia ota ya tyapula iikulya ya yooloka mbyoka ta yi ndulukwa moshilongo yina iitungithi yolutu ayihe mboka ya pumbiwa opo oshilongo shi kale shina aaniilonga yena uundjolowele yo oshoka oyo ya kwatela komeho uunamapya nuuniimuna.
“Oproyeka ota yi ka ikolelela kiilalakanenwa yompangela yoshigwana yehumokomeho ontihamano nota yi ka longwa oku pitila metulomiilonga lyompangela yiilonga ndjoka ya ndjandjukununa iinakugwanithwa yaakuthimbinga ya yooloka mwa kwatelwa omahangano gepangelo, omahangano gopaumwene, omahangano gaanafaalama,iiputudhilo yelongo, ookuume mehumokomeho, oshowo omahangano gaakwashigwana,”Valombola ta ti.
Valokombola okwa tsikile ta ti iinyangadhalwa oyindji ya gwedhwa po ota yi ka tulwa miilonga mwa kwatelwa egandjo lyomayambidho kaanafaala yomomikunda oshow aanafaalama yomoondoolopa ngaashi oonzo ndhoka dha pumbiwa moku muna iikwamawawa, oku kuna iikwamboga, oshowo oku munan niinamwenyo iishona.
Anuwa aanafaalama aashona yiimeno niinamwenyo ota ya ka pewa omadheulo nontseyo oshowo omayambidhidho giilongitho yoku tekela iimeno opo ya gwende kuuwindji wiikulya moshilongo.